Biografiya

2008-2012 yy – Toshkent davlat sharqshunoslik instituti bakalavr bosqichi talabasi

2012-2014 yy – Toshkent davlat sharqshunoslik instituti magistratura bosqichi talabasi

2012-2014 yy – Toshkent shahar 119-maktabda tarix, huquq fanlari o‘qituvchisi

2014-2015 yy – Termiz davlat universiteti ma’naviyat asoslari va huquq ta’limi kafedrasi o‘qituvchisi

2015-2018 yy – Termiz davlat universiteti O‘zbekistonda demokratik jamiyat qurish nazariyasi kafedrasi o‘qituvchisi

2018-2020 yy – Termiz davlat universiteti Denov filialida ta’lim sifatini nazorat qilish bo‘limi boshlig‘i

2020 y h. v      – Denov tadbirkorlik va pedagogika instituti Ilmiy tadqiqotlar innovatsiyalar va ilmiy – pedagog kadrlar tayyorlash bo‘lim boshlig‘i

Oliy ta’limdan keyingi ta’lim

Institutda Oliy ta’limdan keyingi ta’lim instituti O’zbekiston Respublikasi Vazirlar mahkamasining 22.05.2017 yildagi 304-son Qarori asosida “Oliy ta’limdan keyingi ta’lim instituti ilmiy tashkilot va ta’lim muassasalari huzurida fan va texnikaning muhim tarmoqlarida oliy malakali ilmiy va ilmiy-pedagogik kadrlar tayyorlash, shuningdek fan va texnologiyalarning ustuvor yo‘nalishlarida fundamental tadqiqotlarni rivojlantirish, davlat ilmiy dasturlarini amalga oshirish” maqsadida ochilgan. Natijada, tayanch doktorantura, doktorantura va mustaqil izlanuvchilik ta’lim tizimining samaradorligini oshirish va o‘z muddatida doktorlik dissertatsiyalarini himoya qilishga erishiladi.

Tadqiqotchilarga yaratilgan sharoit

Bilimli, kreativ ilmiy pedagogik kadrlarni doktorantura tizimida o‘z muddatida himoya qilishlari uchun izlanuvchilarga maxsus sharoitlar yaratilgan: har bir bosqich doktorantlari alohida jihozlangan xonalar, ish joylari, internetga ulangan kompyuterlar bilan ta’minlangan; Web of Science, Scopus, Google Scholar va boshqa ilmiy ta’limiy axborot manbalaridan foydalanish imkoniyati yaratilgan.

Tadqiqotchilarga qo‘yilgan talablar

Doktorantlar oyma-oy bajarilishi lozim bo‘lgan shaxsiy ish rejasida dissertatsiya ustida uch yil davomida mutaxassislik bo‘yicha nazariy kurs, nazariy metodologik kurslarni o‘zlashtirish, ilmiy maqolalar yozish, malakaviy imtihonlar topshirish, ilmiy ishni yakunlash, ilmiy seminarlar tashkil qilish, pedagogik tajriba orttirish talablari qo‘yilgan. 

Bo‘lim faoliyatining asosiy qismini quyidagilar tashkil qiladi:

Institutda  olib  borilayotgan   ilmiy-tadqiqot  ishlarining monitoringini  olib  borish;

Fan  doktori (DSc), falsafa doktori (PhD)  hamda  ularning  ilmiy   yo‘nalishlari  to‘grisida  ma’lumotlar   bankini  shakllantirish;

Kafedralardagi  yetuk  professor-o‘qituvchi,  tayanch doktorant, mustaqil izlanuvchi, iqtidorli  talabalar  va  tegishli  ishlab  chiqarish korxonalari vakillaridan iborat innovatsion  guruhlarni shakllantirish va ishlab chiqarish bilan ikki tomonlama imzolangan shartnomalar asosida ularning  faoliyatini  yo‘lga  qo‘yish;

Institutda «Oliy  ta’lim  fan  va  ishlab  chiqarishning innovatsion korporativ hamkorligini  tashkil  etish bo‘yicha  tadbirlar rejasi»ning  amalga oshirilishi yuzasidan monitoring olib borishini yo‘lga qo‘yish;

Scopus, web of science va boshqa xorijiy nashrlarga maqolalar chop etish bo‘yicha ishlarni tashkil etish;

Institutda xalqaro  va  Respublika  miqyosida  ilmiy-amaliy  anjumanlar,  seminarlarni  tashkillashtirish va  konferensiyalarni  o‘tkazish;

Tayanch doktorant va mustaqil izlanuvchilar to‘g‘risida yagona  axborot  bazasini  shakllantirish,  va  monitoringini  olib  borish, ularning  dissertatsiya  mavzularini institut  kengashida  tasdiqlash;

Institutning ilmiy-tadqiqot ishlari bo‘yicha yillik hisobotlarini o‘z vaqtida tayyorlash va Oliy  ta’lim, fan va innovatsiyalar  vazirligiga  taqdim  etish;

O‘zbekiston Respublikasining ta’lim va sog‘liqni saqlashga oid Qonunlari, Prezident Farmonlari, Farmoyishlari, Qarorlari, Vazirlar Mahkamasining Qarorlari, Oliy ta’lim, fan va innovatsiyalar vazirligining Hay’at Qarorlari, buyruqlari, rektor buyruqlari ijrosini ta’minlash;

O‘zbekiston Respublikasi Prezidenti va Hukumati tomonidan qabul qilingan farmon va qarorlar mazmunini ilmiy xodimlar va talabalarga yetkazib borish.