Umumiy ma’lumot

         “Jismoniy tarbiya va sport” kafedrasi 2023-yiI 2-iyundagi Oliy ta’lim,fan va innovatsiyalar vazirligi yig‘ilishining 36-son bayoni hamda institut kengashining 2023-yil 28-avgustdagi 1-sonli yig’ilish qarori ijrosi yuzasidan institut rektorining 2023 yil 31-avgustdagi 130-A sonli buyrug‘iga muvofiq tashkil etildi.
          Hozirgi kunda kafedraga Pedagogika fanlari bo‘yicha falsafa doktori, v.v.b dotsent D.Nosirova rahbarlik qilmoqda.
          Kafedrada 12 nafar professor-o‘qituvchilar faoliyat yuritadilar, jumladan, 1 nafar pedagogika fanlari bo‘yicha falsafa doktorlari (PhD), 1 nafar dotsent ilmiy unvonli, 1 nafar katta o’qituvchi va 3 nafar o‘qituvchi va 5 nafari stajyor- o’qituvchilardir. Ilmiy salohiyat 16.66 % ni tashkil etadi.

          Kafedrada 60112200 – Jismoniy madaniyat bakalavriat ta’lim yo‘nalishi bo‘yicha bakalavrlar tayyorlanadi.

Ilmiy faoliyat

        “Jismoniy tarbiya va sport” kafedrasida “O‘quv tayyorlov guruhidagi yosh futbolchilarning taktik fikrlashini takomillashtirish metodikasi”, “Sportni takomillashuv guruhidagi futbolchilarning texnik-taktik harakatlarini takomillashtirish metodikasi”, “Bo’lajak pedagoglarning kasbiy faoliyatida raqamli kompetensiyalarni rivojlantirish”, “Jismoniy tarbiya darslarida o‘quvchilarning shaxsiy fazilatlarini tarbiyalash texnologiyalarini takomollashtirish” mavzulari doirasida ilmiy tadqiqotlar olib borilmoqda.
        “Jismoniy tarbiya va sport” kafedrasi o‘qituvchilari 2023-2025 yillarda samarali natijalarga erishdi, jumladan, kafedra professor-o‘qituvchilaridan 1 nafari Pedagogika fanlari bo‘yicha falsafa doktori (PhD) diplomini va 1 nafari dotsent ilmiy unvonlariga ega bo‘ldilar.
        Kafedra professor-o‘qituvchilari tomonidan 1 ta darslik, 4 ta o‘quv qo‘llanma va 1 ta monografiya, xalqaro va respublika miqyosidagi nufuzli ilmiy jurnal va ilmiy-amaliy konferensiya materiallari to‘plamlarida 180 tadan ortiq ilmiy maqola hamda tezislar nashr etildi.

Xalqaro hamkorlik

        Kafedra professor-o‘qituvchilari Turkiyaning Elaziy shahrida joylashgan Firat universiteti bilan Turkiy davlatlar ta’lim tizim pedagoglarining malakasini hamda talabalarning Jismoniy tarbiya va sport sohasiga qiziqishlarini yanada oshirish maqsadida xalqaro hamkorlikni amalga oshirib kelmoqda. Jumladan, 2025-yilning 17-mart kunlari kafedra O‘qituvchisi I.Islomov Firat universitetida malaka oshirish kursini o‘tadi hamda Jismoniy madaniyat yo‘nalishi 2-bosqich talabalari bir simestr “Akademik mobillik dasturi” doirasida Firat universitetida tehsil olishmoqda.
        Kafedra xorijiy mamlakatlar, Turkiya, Indoneziya Hindiston respublikasi hududlaridagi unversitetlar bilan hamkorlik aloqalarini yo‘lga qo‘ygan.