O‘ZBEKISTON VA TOJIKISTON OLIY TA’LIM MUASSASALARI O‘RTASIDA HAMKORLIKNI RIVOJLANTIRISH: DUSHANBE FORUMI NATIJALARI TAHLILI

Joriy yilning 12-15 mart kunlari Dushanbe shahrida o‘tkazilgan O‘zbekiston va Tojikiston oliy ta’lim muassasalari rektorlarining III forumi bo‘lib o‘tdi. Forum davomida ikki davlat oliy ta’lim muassasalari o‘rtasida 60 ga yaqin hamkorlik hujjatlarining imzolanishi mintaqaviy ta’lim integratsiyasining muhim bosqichi sifatida baholandi. Shuningdek, Denov tadbirkorlik va pedagogika instituti ishtiroki va uning Tojikiston oliy ta’lim muassasalari bilan tuzgan shartnomalari alohida taxsinga loyiq. Forum natijalari shuni ko‘rsatadiki, bunday forumlar nafaqat akademik almashinuvni rivojlantiradi, balki innovatsion ta’lim muhitini shakllantirishda ham muhim omil hisoblanadi.
Bugungi kunda global ta’lim makonida integratsiya jarayonlari jadallashib borayotgan bir sharoitda oliy ta’lim muassasalari o‘rtasidagi xalqaro hamkorlik strategik ahamiyat kasb etmoqda. Ayniqsa, Markaziy Osiyo davlatlari o‘rtasidagi yaqin tarixiy, madaniy va ijtimoiy aloqalar ta’lim sohasidagi hamkorlikni rivojlantirish uchun qulay zamin yaratadi. O‘zbekiston va Tojikiston o‘rtasidagi hamkorlik so‘nggi yillarda yangi bosqichga ko‘tarilib, oliy ta’lim tizimida ham izchil rivojlanmoqda. Shu nuqtai nazardan, Dushanbe shahrida o‘tkazilgan oliy ta’lim muassasalari rektorlarining III forumi muhim ahamiyatga ega bo‘ldi.
Mazkur Forumning maqsadi – forum doirasida erishilgan natijalarni ilmiy tahlil qilish, imzolangan hamkorlik hujjatlarining mazmun-mohiyatini ochib berish hamda ularning ta’lim tizimiga ta’sirini baholashdan iborat. Xalqaro ta’lim hamkorligi masalalari ko‘plab tadqiqotchilar tomonidan o‘rganilgan. Jumladan, akademik mobilitet, qo‘shma ta’lim dasturlari va ilmiy hamkorlik zamonaviy oliy ta’lim tizimining asosiy komponentlari sifatida qaraladi.
Denov tadbirkorlik va pedagogika institutining roli.
Forumda Denov tadbirkorlik va pedagogika instituti rektori O.A. Ruziyev faol ishtirok etdi. Institut tomonidan Tojikiston oliy ta’lim muassasalari bilan bir qator muhim hamkorlik shartnomalari imzolandi.
Mazkur kelishuvlar quyidagi ustuvor yo‘nalishlarga qaratilgan:
• zamonaviy ta’lim texnologiyalarini joriy etish;
• o‘quv jarayonini raqamlashtirish;
• ilmiy-tadqiqot faoliyatini rivojlantirish;
• professor-o‘qituvchilar malakasini oshirish.
Hamkorlik samaradorligi tahlili
Tahlillar shuni ko‘rsatadiki, imzolangan hujjatlar quyidagi ijobiy natijalarga olib kelishi mumkin:
• ta’lim sifatining oshishi;
• xalqaro reytinglarda universitetlar o‘rnining yaxshilanishi;
• innovatsion faoliyatning rivojlanishi;
• talabalar uchun yangi imkoniyatlarning yaratilishi.
Natijalar shuni ko‘rsatadiki, O‘zbekiston va Tojikiston o‘rtasidagi oliy ta’lim hamkorligi strategik ahamiyatga ega. Ayniqsa, akademik mobilitet va qo‘shma dasturlar orqali bilim va tajriba almashinuvi kuchayadi. Dushanbe shahrida o‘tkazilgan III forum O‘zbekiston va Tojikiston oliy ta’lim tizimlari o‘rtasidagi hamkorlikni yangi bosqichga olib chiqdi. 60 ga yaqin hamkorlik hujjatlarining imzolanishi mintaqaviy integratsiyaning muhim natijasi bo‘ldi.
Denov tadbirkorlik va pedagogika instituti tomonidan amalga oshirilgan tashabbuslar esa ushbu jarayonda faol ishtirokning yorqin namunasi hisoblanadi.
Kelgusida mazkur hamkorlikni rivojlantirish orqali Markaziy Osiyoda yagona ta’lim makonini shakllantirish mumkin.

Muallif DTPI Axborot texnologiyalari
kafedrasi mudiri R.Mamajanov
24.03.2026 yil.