• Найти:
    10Фев, 2024
    Xalqaro hamkorlik!

    Hamkorligimizning yangi ufqlari

    🏛Hammamizga ma’lumki, ayni kunlarda yurtimizda Belarus delegatsiyasi mehmon bo‘lib turibdi.

    🔰 Tashrif dasturida ta’lim sohasida hamkorlikni jadallashtirish asosiy masala sifatida qaralmoqda. 

    🏛 Institutimiz rektori G‘anisher Xudoyqulovich Raximov oliy ta’lim rektorlari Forumida ishtirok etib, bir qator Belarus OTMlari rektorlari bilan hamkorlik Memorandumlarini imzolashga muvaffaq bo‘ldi.

    ❇️ Jumladan, A. S. Pushkin nomli Brest davlat universiteti bilan tuzilgan hamkorlik shartnomasi ham hamkorligimizning yangi ufqlarini ochib berishga o’zining hissasini qo’shadi.

    9Фев, 2024
    «Talabalar ligasi» sport musobaqasi

    🏢 Denov tadbirkorlik va pedagogika institining Basketbol (o‘g‘il bolalar) terma jamoasi 2024 yil 7 fevral kuni Termiz shahrida o‘tkazilgan «Talabalar ligasi» sport musobaqalarining hududiy bosqichida ishtirok etib, viloyatdagi oliy ta’lim muassasalari jamoalari o‘rtasida faxrli 2-o‘rinni egalladilar.

    🔰 Qiziqarli o‘tgan musobaqada 1 nafar tarix  va 6 nafar jismoniy madaniyat ta’lim yo‘nalishi talabalari g‘alaba uchun kurash olib borishdi.

    🔹 «Talabalar ligasi» sport musobaqalari doirasida o‘tkaziladigan kelgusi bellashuvlarda ham institutimiz jamoalarining yuqori natijalarga erishishlariga ishonch bildiramiz.

    9Фев, 2024
    Xalqaro hamkorlik

    🔰Rossiya Federatsiyasining N. A. Dobrolyubova nomidagi Nijnenovgorod davlat lingvistika universiteti vakillari institutimizda 4-kurslar doirasida olimpiada tashkil etishdi. 

    ✅ Unda 100 dan ortiq talabalar ya’ni qo’shni  Tojikiston Respublikasi universitetlari hamda qo’shni viloyatlarimiz Qashqadaryo, Samarqand va Termiz shahrining bir qator universitetlari bitiruvchi kurslari  kelib, olimpiadada ishtirok etishdi. Olimpiada ko’taringki ruhda bo’lib o’tdi.

    ❇️ Shundan so’ng, Nijnenovgorod Xalqaro jurnalistika kafedrasi dotsenti Boyev Eraj Begidjonovich tarix va falsafa kafedrasi 4-kurs talabalariga  «Нижний Новгород в истории отношений Узбекистана и России» mavzusida ochiq dars o’tdi. Darsda talabalar faol qatnashib o’zlarini qiziqtirgan ma’lumotlarga ega bo’lishdi.

    7Фев, 2024
    Keng targ’ib qilish vazifasi yuklatildi.

           Surxondaryo viloyati hokimi U. Qosimov boshchiligida 2024-yil 5-fevral kuni o’tkazilgan yig’ilishda Termiz davlat universiteti rektori A. Toshqulov tomonidan «Ma’naviyat sektori» bo’yicha tavsiya etilgan taqdimoti Denov tadbirkorlik va pedagogika instituti Manaviyat kengashida keng o’rganib chiqildi hamda institutdagi barcha fakultetlarda ommalashtirish va keng targ’ib qilish vazifasi yuklatildi.

    7Фев, 2024
    Teatr ijodkorlari yoshlar davrasida.

          Denov tadbirkorlik va pedagogika institutida “Teatr ijodkorlari yoshlar davrasida” sevimli va mahoratli aktyorlar bilan uchrashuv o‘tkazildi. Uchrashuvda teatr va o‘zbek kinosida o‘ziga xos o‘ringa ega taniqli aktyorlar O‘zbekistonda xizmat ko‘rsatgan artist Xurshid To’xtayev, Alisher Atabayevlar teatr va kino sohasida erishgan yutuqlari, sahna mashaqqatlari, tomoshabinlar mehrini qozonish ularning olqishiga erishish nechog‘lik qiyin ish ekanligi to‘g‘risida ta’kidlab o‘tishdi. Uchrashuv davomida kino sohasida olib borilayotgan islohotlar, yutuqlar kamchiliklar hamda muammolar tahlil qilindi. 

    Yakunda talaba-yoshlar o‘zlarining qiziqtirgan savollariga javob olishdi.

    7Фев, 2024
    Iftixorimsan jannatmakon O’zbekistonim!

        Madhiya mustaqil davlatning belgisi, hamdu sanosi va ayrilmas nishonasidir. Madhiya-qalbida o’z Vataniga muhabbat va sadoqat tuyg’usi bor har qanday kishida milliy g’urur, o’ziga xos fikr, eng muhimi yurtga mehr uyg’otadi. Talaba-yoshlarni vatanparvarlik ruhida tarbiyalash, ularni davlat ramzlariga bo’lgan hurmat ehtirom tuyg’ularini yuksaltirish maqsadida «Aniq va tabiiy fanlar» hamda «Filologiya» fakultetlari professor-o’qituvchilari va talabalari dars jarayonlari oldidan O‘zbekiston Respublikasi Davlat Madhiyasini birgalikda kuylashdilar.  Jarayon institutimizning «Tadbirkorlik va boshqaruv» hamda «Pedagogika» fakultetlarida ham tizimli ravishda yo’lga qo’yilgan. Kunning Madhiya sadolari ostida boshlanishi barchamizga iftixor, shijoat, sadoqat kabi tuyg’ularining kun davomida hamroh bo’lishiga ishonamiz.

    1Фев, 2024
    Ochiq eshiklar kuni.

    Denov tumanida joylashgan 1-sonli Prezident maktabning bitiruvchi sinf o’quvchilari «Ochiq eshiklar kuni» loyihasi doirasida Denov tadbirkorlik va pedagogika institutiga tashrif buyurishdi. Ular Yoshlar ittifoqi Boshlang‘ich tashkiloti yetakchisi S. Xidirov tomonidan kutib olinib, institutimizda tashkil etilgan ma’naviyat sektori, qolaversa axborot resus markazida  yaratilgan sharoitlar bilan yaqindan tanishtirildi.

    1Фев, 2024
    Zakovat intellektual o’yini.

    Joriy yilning 30-yanvar kuni Tadbirkorlik va boshqaruv fakulteti Tarix va falsafa kafedrasi tashabbusi bilan O’zbekiston Respublikasi birinchi Prezidenti I. A. Karimov tavallud kuniga bag’ishlangan «Zakovat» intellektual o’yini bo’lib o’tdi. Tadbirda ishtirokchi talabalarning I.A.Karimov asarlari va harbiy san’at tarixiga oid bilimlari sinovdan o’tkazildi.Tadbir so’nggida g’olib jamoalar diplom va estalik sovg’alar bilan taqdirlanishdi.

    1Фев, 2024
    Xalqaro hamkorlik!

    Xabaringiz bor, Denov tadbirkorlik va pedagogika instituti hamda Rossiya Federatsiyasi Nijniy Novgorod lingvistika universiteti bilan hamkorlik aloqalari kundan kunga jadallashib bormoqda. Hamkorlar tashabbusi bilan oliygohimizda 2024-yil 5-fevral kuni rus va ingliz tili fanlaridan xalqaro olimpiada o’tkazilishi belgilangan. Kuni kecha mazkur xalqaro tadbirga tayyorgarlik yuzasidan ikkala OTMlar mutassadilarining maslahat kengashi o’tkazildi. Kengash kun tartibida xalqaro olimpiadani o’tkazishga oid tashkiliy masalalar muhokama qilindi.

    31Янв, 2024
    Prezident Shavkat Mirziyoyev Toshkent shahrida Islom Karimov haykali poyiga gulchambar qo‘ydi.

    Prezident Shavkat Mirziyoyev 30 yanvar kuni Toshkent shahrida Islom Karimov haykali poyiga gulchambar qo‘ydi.

    Tarixiy xotirasiz kelajak yo‘q. O‘zbekistonning mustaqillikka erishishi va davlat qurilishida Birinchi Prezidentimizning ulkan xizmatlari borligini hurmat bilan yodga olamiz.

    Davlatimiz rahbari Shavkat Mirziyoyevning e’tibori bilan uning xotirasi abadiylashtirildi, maqbarasi barpo etildi. Islom Karimov tavallud topgan 30 yanvar kunini nishonlash an’anaga aylandi.

    Fidoyilarini e’zozlagan xalq hamisha hurmatga sazovor. Xotira tadbiri buning yana bir ifodasi bo‘ldi. Qur’on oyatlari o‘qilib, duo qilindi. Birinchi Prezidentimizning O‘zbekiston manfaati yo‘lida qilgan ishlari, insoniy fazilatlari yodga olindi.

    Islom Karimov nomidagi ilmiy-ma’rifiy yodgorlik majmuasida o‘tgan marosimda Oliy Majlis palatalari, Prezident Administratsiyasi va hukumat vakillari, ilm-fan va madaniyat namoyandalari, shahar jamoatchiligi ishtirok etdi.

    Birinchi Prezidentimizning Samarqand va Qarshi shaharlaridagi haykallari poyiga ham gullar qo‘yildi.

    Язык