Besh tashabbus
Oliy ta’lim muassasalari talabalari o’rtasida «Besh tashabbus olimpiadasi» doirasida sport musobaqalari joriy yilning 20-sentabridan boshlanmoqda.
18Сен, 2024
18Сен, 2024
Rektor va talabalar uchrashuvi
🏛 DTPI Tadbirkorlik va boshqaruv fakultetida 17 sentabr kuni institut rektori Ruziyev Oybek Abdumo’minovich 1 kursga qabul qilingan talabalar bilan «Rektor va talabalar uchrashuvi»ni o’tkazildi.
❇️ Uchrashuvda shuningdek, Texas unversiteti prfessori Dani Raviprakash Govindrao ham ishtirok etib, talabalarga xalqaro grantlar, dunyoda va O’zbekistondagi ta’lim tizimi bo’yicha ma’lumotlar taqdim etdi.
✅ Uchrashuv ochiq muloqot shaklida tashkil etildi. Unda rektor O.A.Ruziyev 1 kurs talabalarini tabriklab, institutda yaratilgan sharoitlar va talabalarni qo’llab-quvvatlash uchun barcha imkoniyatlardan foydalanishlarini ta’kidladi.
🖌 Tadbir qizg’in savol-javoblarga boy tarzda o’tkazildi. Talabalar o’zlarini qiziqtrigan savollarga javoblar olishdi hamda o‘z takliflarini bildirishdi. Uchrashuv so’ngida eng yuqori ko’rsatgich bilan o’qishga tavsiya etilgan talabalar va ularning ota-onalari tashakkurnoma va sovg’alar bilan taqdirlanishdi.
18Сен, 2024
Mahorat darsi
🏛 Joriy yilning 17-sentabr sanasida DTPI psixologi Xolmuminova Dilshoda hamda Tadbirkorlik va boshqaruv fakulteti va Filologiya fakulteti dekan o’rinbosarlari ishtirokida tyutorlarga mahorat darslari tashkil qilindi.
✅Mahorat darsi davomida, tyutorlarga talabaning ijtimoiy-psixologik pasportini shakllantirish ishlari haqida ma’lumotlar berib o’tildi.
16Сен, 2024
Talabalarning kelajak sari ilk qadami
📊 «Talabalik — oltin davrim» deya ta’riflanadi. Bejiz emaski, ushbu oltin davr mobaynida har bir yosh o’z bilim va ko’nikmalarini mukammal egallashadi hamda kelajak uchun o’zlariga poydevor yaratishadi.
✅ Kuni kecha Tadbirkorlik va boshqaruv fakulteti tyutorlari 2024-2025 o’quv yili boshlanishiga bag’ishlangan «Najot-ta’limda, najot-tarbiyada, najot bilimda» degan g’oya asosida fakultet talabalari bilan ARM ga sayohat uyushtirishdi.
⚙️ Talabalar «Birinchi kurs maktabi» tadbirlari doirasida ARM fondi bilan tanishishdi. U yerdagi nodir asarlar haqida ma’lumotga ega bo’lishdi.
16Сен, 2024
Talabalarni faollikka chorladi
🏛 Filologiya fakulteti tyutori D.Ahmedova 1-son talabalar turar joyida bo’lib u yerdagi talabalar yashash sharoiti va holati bilan tanishib chiqdi.
❇️ Jarayon davomida, sport turlari bo’yicha musobaqalar tashkil etish, talabalarni to’garaklarda faol bo’lishi aytib o’tdi. Talabalarni faollikka chorladi.
13Сен, 2024
Denov tadbirkorlik va pedagogika institutida «Xon atlas» festivali davom etmoqda
🏛 Xon atlas milliy madaniyatimizning ajralmas qismi sifatida tarixiy va estetik ahamiyati bilan boy merosimiz namunasi sanaladi. Har yili respublikamiz bo‘ylab milliy liboslarimizda xalqimizning ming asrlik o‘tmishi, urf-odat va an’analari, estetik qarashlari, o‘ziga xos xususiyatlari mujassamligini namoyon etish, milliy qadriyatlarimizni mazmunan boyitish maqsadida “Xon atlas” festivalini o‘tkazish an’anaga aylangan.
❇️ Shu maqsadda bugun 12-sentabr kuni Denov tadbirkorlik va pedagogika instituti Aniq va tabiiy fanlar fakultetida “Xon atlas” festivali doirasida bayramona tadbir tashkil etildi. Tadbirda professor-o‘qituvchi hamda talaba qizlari milliy liboslarimizda xalqimizning asrlarga tutash bo‘lgan o‘tmishi, urf-odati va an’analari, didi, estetik qarashlari, o‘ziga xos xususiyatlari mujassamligini namoyish etdi.
13Сен, 2024
Xonalar tozaligi va gigiyenasi ko’zdan kechirildi
🏛 Joriy yilning 11-sentyabr kuni DTPI Xotin-qizlar maslahat kengashi raisi N.Xasanova,Tadbirlorlik va boshqaruv fakulteti Xotin-qizlar masalalari bo’yicha dekan maslahatchisi P.Normamatova hamda shifokor U.Safarovalar 1-sonli TTJda talaba-qizlarning joylashishi, xonalar va umumiy foydalanish xonalarining tozaligi va gigiyenasini ko’zdan kechirdilar.
❇️ Ozodalik, sarishtalik qizlarga xos odat ekanligi haqida tushunchalar berdilar.
13Сен, 2024
Malakaviy amaliyot
🏛 Bugun Tadbirkorlik va boshqaruv fakulteti «Matematika va informatika» ta’lim yo’nalishi 3-kurs 10-11MI-22 guruhi talabalari Denov tumanidagi 31-umumiy o’rta ta’lim maktabiga 4+2 shaklida tashkillashtirilgan malakaviy amaliyotga joylashtirildi.
🖌 Malaka amaliyoti talabalarning nazariy bilimlarini mustahkamlash, amaliy ko’nikma va kasbiy mahoratlarini oshirishga qaratilgan.
🖌 Talabalar amaliyot davomida dars kuzatish, o‘quv jarayonida ishtirok etish, o‘quvchilarga qo‘shimcha darslar o‘tish va pedagogik tajribalarini oshirishga yo‘naltirilgan topshiriqlarni bajaradilar.
12Сен, 2024
Malakaviy amaliyot
🏛 Bugun Filologiya fakulteti «Xorijiy til va adabiyoti: ingliz tili» ta’lim yo’nalishi 2-kurs talabalari Denov tumanidagi 75-, 77- va 82-umumta’lim maktablariga 4+2 shaklida tashkillashtirilgan malakaviy amaliyotga joylashtirildi.
✅ Ushbu amaliyot talabalarning kasbiy mahoratlarini oshirishga, nazariy bilimlarini amaliyotda sinashga hamda pedagogik ko‘nikmalarni rivojlantirishga qaratilgan.
❇️ Talabalarga amaliyot davomida bajaradigan vazifalar, maktab ichki tartib-qoidalari, yo‘l harakati qoidalari va xavfsizlik choralariga rioya qilish bo‘yicha batafsil tushuntirish berildi. Shuningdek, ularga pedagogik amaliyotning maqsadlari, metodlari va jarayonlari haqida ko‘rsatmalar berildi. Talabalar ushbu maktablarga haftaning payshanba va juma kunlari malakaviy amaliyot o‘tashadi.
♻️ Talabalar dars kuzatish, o‘quv jarayonida ishtirok etish, o‘quvchilarga qo‘shimcha darslar o‘tish va pedagogik tajribalarini oshirishga yo‘naltirilgan topshiriqlarni bajaradilar.