So’nggi yangiliklar

21Ноя, 2024

Maxsus dars

🏢 Bugun Denov tadbirkorlik va pedagogika institutida Hindistonning Dehli shahridan tashrif buyurgan mehmon Archana Dubey institutimizning “Xorijiy til va adabiyoti” yo‘nalishi 1-kurs 104-guruh talabalari uchun maxsus dars o’tdi.

🔰 Dars davomida mehmon talabalar bilan ingliz tilida interaktiv mashg’ulot olib bordi. Yangi pedagogik usullarni tatbiq etib, talabalarga til o‘rganishda samarali yondashuvlar bo‘yicha foydali ma’lumotlar ulashdi.

🔷 Uchrashuv talabalarning bilimlarini oshirish va xorijiy tillarni o‘rganishga bo‘lgan qiziqishini yanada kuchaytirish maqsadida tashkil etildi.

✅ Archana Dubeyga samimiy tashakkurimizni bildiramiz va kelgusi hamkorlik aloqalarining davomiy bo‘lishini tilaymiz!

20Ноя, 2024

G’alaba muborak!

Bugun Buxoro shahridagi “Universal’ sport saroyida “Besh tashabbus olimpiadasi” doirasida voleybol bo‘yicha “Ichki ishlar vaziri kubogi” musobaqalarining ayollar o‘rtasidagi B-liga Respublika final bosqichi g’oliblarini tantanali taqdirlash tadbiri boʻlib oʻtdi.

Musobaqaning respublika final bosqichida 16-21 va 22-30 yosh toifasi bo‘yicha hududiy bosqichlarida g‘oliblikni qo‘lga kiritgan ayollar jamoalari ishtirok etishdi.

Musobaqaning yakuniy natijalariga ko’ra

16-21 yosh toifasi bo’yicha;

🥈-o’rin Surxondaryo viloyati Denov tumani «Chuqurqishloq» mahallasi qizlar jamoasi egalladi.Jamoa tarkibida DTPIning iqtidorli sportchi talaba-qizlari ham sport musobaqasida faol ishtirok etishdi. 👏👏👏👏❇️

20Ноя, 2024

Xalqaro ilmiy-amaliy anjuman

🏛 Bugun Denov tadbirkorlik va pedagogika institutida “Markaziy Osiyo davlatchiligi tarixida turkiy xalqlarning tutgan o‘rni” mavzusida xalqaro ilmiy-amaliy anjuman bo‘lib o‘tdi.

✅ Anjumanda Hindiston, Canada, AQSh, Yaponiya, Afg‘oniston, Rossiya, Tojikiston, Turkiya, Qozog‘iston va boshqa ko‘plab davlatlardan tarixchi olimlar, soha mutaxassislari onlayn va oflayn qatnashab, ma’ruzalar qilishdi.

🖌 Anjuman ishtirokchilari institutning “O‘lkashunoslik”, muzeyida, Raqamli iqtisodiyot markazida, “Hindiston madaniyat markazi”da bo‘lishdi.

18Ноя, 2024

Davlat_bayrogʻi

18-noyabr – Oʻzbekiston Respublikasi Davlat bayrogʻi haqidagi qonun qabul qilinganiga 33 yil to‘ldi

Bugun sana munosabati bilan Oliy ta’lim, fan va innovatsiyalar vazirligi jamoasi ishtirokida madaniy-maʼrifiy tadbir o‘tkazildi. Unda mamlakatimiz bayrogʻining xalqimiz hayotidagi va uning davlatchilik tarixidagi tutgan oʻrni, ahamiyati xususida fikr bildirildi.

Bugun ko‘plab sohalar qatorida, ta’lim yo‘nalishida ham yoshlarimiz xalqaro fan olimpiadalari, turli tanlovlarda natijalarga erishib, bayrog‘imizni yuqoriga ko‘tarib kelishayotgani barchamizga yuksak gʻurur va iftixor bagʻishlashi ta’kidlandi.

Shundan so‘ng Davlatimiz madhiyasi sadolari ostida yurtimiz bayrogʻi yuqoriga koʻtarildi.

Hozirda barcha oliy ta’lim muassasalarida sanaga bag‘ishlangan tadbirlar o‘tkazilmoqda. Ularda yosh avlod qalbida vatanparvarlik tuygʻularini shakllantirish, ularni ona yurtga sadoqat ruhida tarbiyalashda milliy bayrogʻimizning hilpirab turishi oʻrni va ahamiyati haqida ma’lumot berilmoqda.

18Ноя, 2024

18 noyabr O‘zbekiston Respublikasi Davlat bayrog’i qabul qilingan kun

🇺🇿 Davlat ramzlari tarixdan doimo ulug‘ va muqaddas hisoblab kelinadi. Xususan, mustaqilligimiz timsoli – milliy bayrog‘imiz o‘zida xalqimizning asriy orzu-istaklari, g‘ayrati va shijoatini mujassam etgan.

🇺🇿 Bugun Tadbirkorlik va boshqaruv fakultetida «Ma’rifat soati» darsi davomida Davlat bayrog’i qabul qilinganligining 33 yilligi munosabati bilan «Bayrog‘imiz- faxrimiz» mavzusida davra suhbati tashkil etildi.

🇺🇿 Davra suhbati davomida fakultet dekani M.J.Toshboboyev bayroq har bir xalq va millatning shonli o’tmishi va kelajagi, urf-odatlarini o’zida aks ettirishini ta’kidladi. Davlat bayrog’ining qabul qilinishi va u haqida har bir talaba yosh bilishi lozim bo’lgan ma’lumotlarni aytib o’tdi.

17Ноя, 2024

Denov tadbirkorlik va pedagogika institutining aziz talabalari!

Barchangizni bugungi 17 noyabr – Xalqaro talabalar kuni munosabati bilan chin dildan tabriklayman.

Ta’lim olish ignada quduq qazishdek gap. Siz mana shu mashaqqatli yo‘lga chiqqan yo‘lovchisiz. O‘zingizga bo‘lgan ishonch, intiluvchanlik va har bir ezgu amallarda olg‘a qadam tashlashda kuch-quvvat va matonat tilab qolaman.

Ayni vaqtda institutimizda bakalavr, magistr va doktorantlarning safi 8000 nafarga yetgan bir paytda, sizlarning respublika va jahon miqyosida erishayotgan yutuqlaringiz tahsinga sazovor.

Dunyo miqyosidagi nufuzli sport musobaqalarida sovrunli o‘rinlarni egallayotganingiz va O‘zbekiston bayrog‘ini yuqori ko‘tarayotganliklaringiz, Prezident va nomdor davlat stipendiyalari sovrindori bo‘layotganingiz, mamlakatimiz rahbari tomonidan ilgari surilgan 5 ta muhim tashabbusda faol ishtirok etayotganingiz, e’lon qilinayotgan turli grantlarni qo‘lga kiritganingiz taxsinga loyiq.

Quvonarlisi, ular orasida bilimga chanqoq, qobiliyatli, intiluvchan alohida iqtidorga ega bo‘lgan talabalarimizning safi ortib borayotgani biz uchun katta quvonch. Zero, uchinchi Renessansga poydevor qo‘yish maqsadi oldimizda turgan ekan, shunga munosib bo‘lishlaringizni istayman.

Yangi O‘zbekistonimizning ertangi kunini siz aziz yoshlar belgilab berasiz. Ishonamanki, sizlar zamonaviy bilim va taraqqiyot cho‘qqilarini egallab, o‘z amaliy ishlaringiz, g‘ayrat-shijoatingiz, yetuk salohiyatingiz bilan jonajon Vatanimizga munosib, sadoqatli farzandlar bo‘lasiz.

Barchangizni Xalqaro talabalar kuni bilan yana bir bor qutlab, sizlarga sihat-salomatlik, yangi yutuq va muvaffaqiyatlar tilayman.

Ilm yo‘lida chekkan mashaqqatlaringizning yuksak natijalarini ko‘rish va yetuk salohiyatli kadr bo‘lishingizga tilakdoshman.

Oybek Ruziyev, DTPI rektori.

16Ноя, 2024

jarayon

🏛 Kuni kecha institutimizga Migratsiya agentligi Surxondaryo filiali rahbari — Erdonov Xoshim, Vazirlar Mahkamasi huzuridagi Migratsiya agentligi bo’lim boshlig’i — Toshtemirov Elyor tashrif buyurishdi.

🔰 Tashrifdan asosiy maqsad DTPI yoshlariga Xorijda ishlash uchun fuqarolarni yuborishni tartibli tashkiliy tizimning afzalligi, rivojlangan Yevropa va Osiyo davlatlariga borishning tartib-qoidalari va xorijga borishda tilning ahamiyati to’g’risida hamda oliygoh huzurida xorijiy til kurslarini ochish va til kurslari bo’yicha Migratsiya agentligi bilan hamkorlik o’rnatish masalalari to’g’risida bo’lib o’tdi.

❇️ Uchrashuv so’nggida talaba-yoshlar o’zlarini qiziqtirgan savollarga to’liq javob olishdi.

16Ноя, 2024

xushxabar

🏢 Tadbirkorlik va boshqaruv fakulteti «Iqtisodiyot» ta’lim yo’nalishi 1-kurs talabasi Xikmatova Shirin Husniddin qizi “El-yurt umidi” jamg‘armasi Vasiylik kengashining 2024 yil 14 oktabrdagi 6-son qaroriga muvofiq stipendiya tanlovida Bakalavriat ta’lim dasturi bo‘yicha g‘olib deb topilgan edi.

🔰 Endilikda unga xorijda bakalavriat ta’lim dasturi davomida tahsil olishi bilan bog‘liq xarajatlari Jamg‘arma tomonidan belgilangan tartibda qoplanadi.

14Ноя, 2024

16-noyabr-«Xalqaro bag’rikenglik kuni»

🏛 «Xalqaro bag’rikenglik kuni» 2019-yildan buyon davlatimiz rahbari tashabbusi asosida O’zbekistonda haftalik tarzida keng nishonlanib kelinmoqda.

✅ Bugun ushbu sana munosabati bilan Tadbirkorlik va boshqaruv fakultetida «Diniy bag‘rikenglik, tolerantlik xalqlar do’stligining muhim poydevori» mavzusida davra suhbati tashkil etildi.

❇️ Davra suhbatida «Tarix va falsafa kafedrasi o’qituvchilari: M.Jo’rayev, O’.Mo’minovlar o’z ma’ruzalari bilan ishtirok etishda.

14Ноя, 2024

Talabamiz «Kitob — mening do’stim» tanlovida faxrli 3-o’rinni egalladi

🏛 Termiz davlat pedagogika institutida oliy ta’lim muassasalari talaba-yoshlari o‘rtasida o‘tkazilayotgan “Kitob — mening do‘stim” respublika ko‘rik-tanlovining hududiy bosqichi bo‘lib o‘tdi.

🔷 Quvonarlisi, o‘tkazilgan mazkur tanlovda institutimizning Filologiya fakulteti «O’zga tilli guruhlarda rus tili» ta’lim yo’nalishi 3-bosqich talabasi Qo’ziyeva Zaynab Mamatqul qizi ham faol ishtirok etib, Surxondaryo viloyatidagi oliy ta’lim muassasalari o’rtasida o’tkazilgan tanlovda faxrli 3-o’rinni egalladi.