• Найти:
    27Июл, 2024
    Oliygohimizda bitiruvchilarga diplom topshirish jarayonlari davom etmoqda

    🔰 Xabaringiz bor, ayni kunlarda Denov tadbirkorlik va pedagogika institutida 2023/2024-o’quv yilini tamomlagan bitiruvchilarga fakultetlar kesimida belgilangan grafik asosida bakalavr mutaxassislik diplomlari topshirilmoqda.

    ✅ Shu jumladan bugun, 27-iyul kuni Denov tadbirkorlik va pedagogika instituti rektori O.A.Ro’ziyev Boshlang’ich ta’lim va sport tarbiyaviy ishi yo’nalishi bitiruvchi talaba-yoshlari bilan uchrashdi va ularga bakalavr diplomlarini topshirdi. Tadbir davomida rektor bitiruvchilarni hayotlaridagi ilk katta yutuqlari bilan samimiy qutlab, yoshlarning keyingi ishlarida ham ulkan muvaffaqiyatlar tiladi.

    🆔 Eslatma: Bitiruvchilar bakalavr diplomlarini “Oliy ta’lim jarayonlarini boshqarish — HEMIS” axborot platformasi (student.adu.uz) tizimining talaba hujjati boʻlimidan elektron shaklda olishlari mumkin.

    27Июл, 2024
    Oliy ta’lim muassasalari va ta’lim yo‘nalishlarini tanlash
    27Июл, 2024
    Oliy ta’lim muassasalari va ta’lim yo‘nalishlarini tanlash boshlandi

    Oliy va professional ta’lim muassasalariga kirish test sinovlarida ishtirok etgan abituriyentlar 2024-yil 27-iyuldan 10-avgustga qadar 15 kun davomida oliy ta’lim muassasalari va ta’lim yo‘nalishlarini tanlashlari lozim.

    Buning uchun my.uzbmb.uz platformasining “Oliy va professional ta’lim muassasalariga qabul” bo‘limiga kirib, “Xizmatdan foydalanish” tugmasi bosiladi va “OTM tanlash” bo‘limiga o‘tiladi.

    Dastlab abituriyent “Tanlov ustuvorligi” va “Maqsadli qabul” bo‘yicha o‘z tanlovini amalga oshiradi.

    Shundan so‘ng abituriyent test topshirgan fanlar majmuasi va ta’lim tiliga mos bo‘lgan beshtagacha oliy ta’lim muassasasi va ta’lim yo‘nalishini ta’lim shakli bilan birga tanlaydi.

    Bunda ta’lim yo‘nalishlarini bir oliy ta’lim muassasasi yoki turli oliy ta’lim muassasalari doirasida tanlash mumkin.

    Ta’lim yo‘nalishlarini tanlab, “Saqlash” tugmasi bosilgandan so‘ng ma’lumotlarni tasdiqlash uchun abituriyentning telefon raqamiga SMS xabar yuboriladi. SMS xabardagi kodni dasturga kiritish orqali ma’lumotlar tasdiqlanadi.

    Ma’lumotlar tasdiqlanganidan so‘ng, “Abituriyent qayd varaqasi” shakllanadi. Qayd varaqada abituriyent tanlagan tanlov ustuvorligi, ta’lim shakllari, oliy ta’lim muassasalari va ta’lim yo‘nalishlari aks etgan bo‘ladi. Yuklab olish tugmasi orqali abituriyent qayd varaqasini yuklab olishi mumkin.

    ❗️Abituriyentlar ta’lim yo‘nalishlarini tanlash muddati yakunlangunga qadar o‘z ma’lumotlarini o‘zgartirishlari va qayd varaqasini qayta yuklab olishlari mumkin.

    Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari ta’lim yo‘nalishlarini tanlash to‘liq yakunlangandan so‘ng bir hafta muddatda e’lon qilinadi.

    24Июл, 2024
    Yurtboshimiz 67 yoshda

    Muhtaram Shavkat Miromonovich!

    Sizni bugungi tavallud ayyomingiz bilan tabriklayman.

    Men Ashurova Maftuna Ortiq qizi yaqinda Sizning «Yoshlar kuni munosabati bilan yurtimizning faol va tashabbuskor yosh avlod vakillaridan bir guruhini mukofotlash to‘g‘risida»gi Farmoningizga ko‘ra, tengdoshlariga har tomonlama o‘rnak bo‘lib kelayotgan tashabbuskor va yetakchi yoshlar qatorida men ham «Kelajak bunyodkori» medali bilan taqdirlandim.
    Ayni vaqtda men faoliyat ko‘rsatayotgan Denov tadbirkorlik va pedagogika instituti Sizning tashabbusingiz bilan “Surxondaryo viloyatida yuqori malakali kadrlar tayyorlash tizimini kengaytirish va yanada takomillashtirish chora-tadbirlari to‘g‘risida”gi PQ-4681 qaroringizga asosan 2020-yil 17-aprelda o‘z faoliyatini boshlagan.
    Institutimiz dastlabki yillarda 2 ta fakultet bilan ish boshlagandi. Hozirgi kunda 4 ta fakultet, 16 ta kafedra mavjud bo‘lib, 24 ta bakalavriat ta’lim yo‘nalishi, 12 ta magistratura mutaxassisliklari bo‘yicha jami 8212 nafar talaba yoshlarga ta’lim berilmoqda. Ilmiy salohiyat dastlabki yillarda 17 foizni tashkil etgan bo‘lsa, bugungi kunda bu ko‘rsatgich 25 foizga yetdi. Bularning bari Sizning odilona siyosatingiz mahsulidir.

    Hurmatli Shavkat Miromonovich, yana bir bor tavallud kuningiz bilan muborakbod etaman! Dunyo hamjamiyatida o‘zining munosib o‘rniga ega bo‘layotgan O‘zbekiston Sizning rahbarligingizda bundan keyin ham taraqqiyotning ulkan marralarini zabt etishiga ishonch bildiraman!
    Sizga hurmat bilan, DTPI o’qituvchisi Maftuna Ashurova

    24Июл, 2024
    Ma’naviyat festivali

    Surxondaryo viloyati Denov tumanida ““Biz bir bo‘lsak – yagona xalqmiz, birlashsak – Vatanmiz!” shiori ostidagi “Ma’naviyat festivali” doirasida «Uch avlod uchrashuvi», «Ma’rifat soat» tadbirlari bo‘lib o‘tdi.

    Tadbirda Denov tumani hokimi Ilhom Abrorov, «Ma’rifat» targ‘ibotchilar jamiyati a’zosi, O‘zbekistonda ximat ko‘rsatgan madaniyat xodimi, shoir Bobur Bobomurod, O‘zbekistonda xizmat ko‘rsatgan artist Asadillo Nabiyev, O‘zbek milliy maqom markazi xonandasi Nafisa Farmonova, O‘zbekistonda xizmat ko‘rsatgan artist Toshpo‘lat Matkarimov, xonanda Mashxurbek Raimjonovlar ishtirokida nuroniylar va yoshlar suhbati tashkil qilindi.


    Denov tumani hokimligi
    Axborot xizmati

    24Июл, 2024
    Turizm va mehmonxona xo‘jaligi sohalarida kadrlar tayyorlash tizimi 3 yillik bo‘ladi

    🔰 Unga ko‘ra, 2024/2025-o‘quv yilidan davlat oliy ta’lim muassasalarida turizm va mehmonxona xo‘jaligi sohalarida kadrlar tayyorlash tizimi uch yillik oliy ta’lim dasturlari asosida yo‘lga qo‘yiladi va o‘quv jarayoni “blok-modul” tizimiga asoslangan dual ta’lim shaklida tashkil etiladi.

    🔘 Bunda, o‘quv jarayonlarining nazariy va amaliy mashg‘ulotlar ulushini:

    1️⃣ bosqichda – 80 foiz nazariy va 20 foiz amaliy;
    2️⃣ bosqichda – 50 foiz nazariy va 50 foiz amaliy;
    3️⃣ bosqichda – 30 foiz nazariy va 70 foiz amaliy bo‘lishi nazarda tutiladi.

    🗓 2024-yil 1-avgustdan turizm sohasida kadrlar tayyorlovchi oliy ta’lim muassasalarida yuridik shaxs maqomiga ega bo‘lmagan amaliyot bazalarini (turoperator, turagent, gid-tarjimon, mehmonxona va turizm transporti xizmatlarini ko‘rsatish obyektlari) belgilangan tartibda tashkil etishga ruxsat beriladi.

    🔍 2027-yil 1-yanvargacha turizm sohasida kadrlar tayyorlovchi oliy ta’lim muassasalarining amaliyot bazalarida ko‘rsatilgan xizmatlar uchun foyda solig‘i ushbu soliq bo‘yicha belgilangan soliq stavkalariga nisbatan 50 foizga kamaytirilgan stavkada to‘lanadi.

    2025/2026-oʻquv yilidan Samarqand shahridagi Xalqaro turizm akademiyasida mehmonxonalar va restoranlar uchun yuqori malakali xizmat koʻrsatuvchi xodimlarni tayyorlash yoʻlga qoʻyiladi.

    🗓 2025-yil 1-martgacha “Ipak yoʻli” turizm va madaniy meros xalqaro universiteti qoshidagi professional taʼlim muassasalariga xalqaro darajada tan olingan taʼlim dasturlarini “franshiza” asosida joriy etish choralari koʻriladi.

    🏢Oliy taʼlim, fan va innovatsiyalar vazirligi:

    🔹2024/2025-oʻquv yiligacha turizm va mehmonxona xoʻjaligi sohalari boʻyicha oliy taʼlim dasturlarini jahon reytingida birinchi 100 talikka kiruvchi nufuzli OTMlarning taʼlim dasturlari asosida qayta koʻrib chiqadi;

    🔸turizm va mehmonxona xoʻjaligi sohalariga oid oliy taʼlim yoʻnalishlarining dual taʼlim shakli boʻyicha Taʼlimning xalqaro standart tasniflagichi darajalari bilan uygʻunlashgan yangi malaka talablari hamda taʼlim dasturlarini ishlab chiqadi;

    🔹belgilangan OTMlar huzurida shartnoma asosida arab, yapon, xitoy, hind, ispan, italyan, koreys, urdu, indonez va malay tillarida xizmat koʻrsatuvchi gid-tarjimonlarni tayyorlash boʻyicha qoʻshimcha kurslarni tashkil etadi.

    22Июл, 2024
    «Biz bir bo’lsak — yagona xalqmiz, birlashsak Vatanmiz»

    ❇️ Ayni vaqtda Denov tadbirkorlik va pedagogika instituti faollar zalida Vatanimiz mustaqiligining 33 yilligi munosabati bilan «Biz bir bo’lsak — yagona xalqmiz, birlashsak Vatanmiz» shiori ostida musiqa festivali bo’lib o’tmoqda. 

    ✅ Unda Respublikamizdan tashrif buyurgan taniqli ijodkorlar: shoirlar, xonandalar, aktyorlar, shuningdek, mehnat fahriylari, Denov tuman hokimligi hamda Denov tadbirkorlik va pedagogika instituti vakillari ishtirok etib, ijodkorlar tomonidan taqdim etilayotgan kuy-navo, she’rlari orqali madaniy hordiq olishmoqda.

    21Июл, 2024
    Bakalavr va magistratura qabuli uchun jami 44 203 ta davlat granti o‘rinlari ajratildi

    O‘zbekiston Respublikasi Prezidentining 2024-yil 19-iyuldagi F–36-son farmoyishi bilan 2024/2025-o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi (granti) parametrlari tasdiqlandi. Unga ko‘ra:

    🔹 bakalavr kunduzgi ta’lim shakliga – 34 838 nafar;

    🔸 magistrlar tayyorlash bo‘yicha – 9 365 nafar grant o‘rinlari ajratildi.

    Shuningdek, Davlat komissiyasi tomonidan 2024/2025-oʻquv yili uchun: 

    ▪️bakalavriat taʼlim yoʻnalishiga qabul boʻyicha:

    ➖umumiy qabul parametrlarini; 

    ➖qoʻshimcha qabul parametrlarini;

    ➖oʻqishga qabul qilishning minimal oʻtish balini;

    ➖maqsadli qabul kvotalarini va ushbu kvotalarning tuman (shahar)lar kesimidagi taqsimotini; 

    ➖umumiy qabul parametriga nisbatan davlat granti kvotasining ulushini;

    ▪️hamda magistratura mutaxassisliklari boʻyicha umumiy qabul parametrlarini tasdiqlanishi belgilandi.

    2024/2025-o‘quv yilida davlat oliy ta’lim muassasalariga bakalavriatning KUNDUZgi ta’lim shakli bo‘yicha o‘qishga qabul qilishning davlat buyurtmasi (granti) parametrlari

    2024/2025-o‘quv yilida davlat oliy ta’lim muassasalari magistraturasiga o‘qishga qabul qilishning davlat buyurtmasi (granti) parametrlari

    Язык