🔰 Bugun filologiya fakulteti kengashining yangi 2024-2025 o‘quv yili boshlanishi oldidan kengaytirilgan yig‘ilishi bo‘lib o‘tdi.

✅ Yig‘ilishda kafedra mudirlari yangi o‘quv yiliga munosib tayyorgarlik masalasi, ta’lim yo‘nalishlari malaka talabiga muvofiq o‘quv rejasining ishlab chiqilganligi, fan dasturlari, sillabuslarni tasdiqlash, yuklamalar taqsimoti, HEMIS axborot tizimiga elektron resurslarni yuklash holati haqida batafsil axborot berishdi. Jumladan, professor-o‘qituvchilarning shaxsiy ish rejalari, fanlar bo‘yicha taqvimiy-mavzuiy ish rejalar muhokama qilinib, ularni tasdiqlash bo‘yicha qaror qabul qilindi.

🔵 Shuningdek, yig‘ilishda O‘zbekiston Respublikasi Oliy ta’lim tizimini 2030 yilgacha rivojlantirish konsepsiyasiga muvofiq yangi o‘quv yilida fakultetda olib boriladigan o‘quv, o‘quv-uslubiy, ilmiy-tadqiqot, ma’naviy-ma’rifiy ishlar strategik ish rejasi tasdiqlandi.