So’nggi yangiliklar — Страница 26

17Фев, 2024

Qurolli Kuchlari akademiyasi “Psixologiya” ta’lim yo‘nalishi 2-bosqichini tamomlagan talabalarni o‘qishga taklif etadi.

2023/2024-o‘quv yilidan boshlab O‘zbekiston Respublikasi Qurolli Kuchlari akademiyasida kuch tuzilmalari uchun “Psixologiya (harbiy psixolog)” ta’lim yo‘nalishi bo‘yicha ofitser kadrlarni tayyorlash tizimi yo‘lga qo‘yildi.

Bu tizimda oliy ta’lim muassasalari Psixologiya ta’lim yo‘nalishining 2-bosqichini muvaffaqiyatli tamomlagan, o‘qishini Qurolli Kuchlar akademiyasida davom ettirish va kelgusida kontrakt asosida harbiy xizmatni o‘tash istagidagi, sog‘lig‘ining holatiga ko‘ra harbiy xizmatga yaroqli, 26 yoshgacha bo‘lgan talabalar orasidan nomzodlar saralab olinadi. Nomzodlar harbiy xizmatni o‘tagan bo‘lishi shart emas.

Talabgorlar 2 yillik dastur asosida o‘qitiladi va bitiruvchilarga bakalavr darajasi beriladi.

Arizalar hududlardagi Mudofaa ishlari bo‘limlari orqali 31-martga qadar qabul qilinadi.

Qoʻshimcha maʼlumot: 13-57 qisqa raqami

Batafsil: https://edu.uz/uz/news/view/6450

14Фев, 2024

Hamkorligimizning istiqbolli rejalari

🔰Institutimiz Qozog’iston Respublikasining Sarsen Amanjalov nomli sharqiy Qozog’iston davlat universiteti bilan hamkorlik ishlarini jadal rivojlantirmoqda. Shu maqsadda bugun kafedralararo hamkorlikni rivojlantirish maqsadida onlayn uchrashuv bo’lib o’tdi.

✅ Ushrashuvda tomonlardan pedagogika va psixologiya, moliya va bank ishi, raqamli iqtisodiyot, axborot texnologiyalari, boshlang’ich ta’lim metodikasi kabi kafedralar faol ishtirok etishdi. Uchrashuvda ikki tomonlama hamkorlikning eng asosiy rejalari muhokama qilindi.

13Фев, 2024

Oliy ta’lim, fan va innovatsiyalar vazirligi tasarrufidagi OTMlarga uzrli sabablarga asosan o‘qishni ko‘chirishga tavsiya etilganlar ro‘yxati tasdiqlandi

Prezidentning PQ-279-sonli qarori 7-bandiga muvofiq 2 ta uzrli sababga koʻra oʻqishini koʻchirish istagida boʻlgan fuqarolarning arizalari ko‘rib chiqilib, Oliy ta’lim, fan va innovatsiyalar vazirligi tizimidagi oliy ta’lim muassasalariga 2023/2024-o‘quv yili bahorgi semestrida o‘qishini ko‘chirishga tavsiya etilgan talabalar ro‘yxati yuborildi.

💾 OTFIV tizimidagi OTMlar ro‘yxati (matn ustiga bosing). Ushbu ro‘yxatdagi OTMlarga o‘qishi ko‘chirilishini so‘rab murojaat qilgan talabalar oliy ta’lim muassasasining o‘qishni ko‘chirish bo‘yicha mas’ullariga uchrashish (bog‘lanish)lari so‘raladi.

Ma’lumot o‘rnida, amaldagi tartibga ko‘ra talabalar o‘qishini ko‘chirish va qayta tiklash talabani qabul qilayotgan oliy ta’lim muassasasi bo‘ysunadigan vazirlik (idora) qarori asosida amalga oshiriladi.

13Фев, 2024

Xalqaro hamkorlik uchun e’tirof

🔰 Xabaringiz bor, joriy yilning 5-fevral kuni Rossiya Federatsiyasining N.A.Dobrolyubov nomidagi Nijegorod davlat lingvistika universiteti vakillari institutimizda grant o‘rinlar uchun xalqaro olimpiada tashkil etishgan edi.

✅ Unda 100 dan ortiq talabalar, jumladan, qo’shni Tojikiston Respublikasi oliy ta’lim muassasalari hamda Qashqadaryo, Samarqand viloyatlari, shuningdek, Termiz shahrida joylashgan bir qator universitet bitiruvchilari mazkur olimpiadada ishtirok etishdi.

❇️ Bugun mazkur xalqaro olimpiadani yuqori saviyada tashkil etish hamda samarali o‘tkazishdagi faol ishtiroki uchun bir qator faol talabalarimiz Nijegorod davlat lingvistika universiteti rektorining “Tashakkurnoma”si bilan taqdirlanishdi.

13Фев, 2024

Belarus hamkorlar bilan onlayn uchrashuv

🏢 Bugun institutimiz Xalqaro aloqalar bo‘limi tashabbusi bilan Minsk davlat lingvistika universiteti bilan onlayn uchrashuv tashkil qilindi. Uchrashuvda Belarus tomondan Minsk davlat lingvistika universiteti xalqaro aloqalar bo‘yicha prorektori Vdovichev Aleksey Vladimirovich, rus va ingliz tili kafedra mudirlari qatnashdilar.

🔰 Kun tartibida ikkala OTMlar o‘rtasida hamkorlik aloqalarini mustahkamlash va rivojlantirish masalasi ko‘rib chiqildi. Yaqin kelajakda kafedralar va fakultetlararo hamkorlikni yuksaltirish, talabalar almashinuvi hamda o‘qituvchilar stajirovkalarini yaxshi yo‘lga qo‘yish haqida kelishib olindi. Uchrashuv ko‘tarinki ruhda o‘tdi.

12Фев, 2024

Ma’naviy-ma’rifiy tadbir.

Ma’naviy-ma’rifiy tadbir

🏢 Alisher Navoiyning boy ilmiy-ma’naviy merosi har bir davr avlodlarini tarbiyalashga, shuningdek, o‘zbek adabiyoti rivojiga xizmat qilib kelayotir. Asrlar o‘tsada, buyuk ajdodimizning bebaho asarlari o‘z qiymatini yo‘qotgani yo‘q.

🔹 Denov tadbirkorlik va pedagogika institutida g‘azal mulkining sultoni Alisher Navoiy tavalludining 583 yilligi munosabati bilan ma’naviy-ma’rifiy tadbir tashkil etildi.

12Фев, 2024

Tadbirkorlik va boshqaruv fakulteti talabalari “Vatanparvarlar bog‘i”da bo’lishdi

Tadbirkorlik va boshqaruv fakulteti Turizm yo‘nalishi 7 TU-23-guruh talabalari Termiz shahrida “Vatanparvarlar bog‘i”ga tashrif buyurishdi.

✅ Bog‘ 4 ta hududga: Vatanparvarlik, madaniy hordiq, sport va ma’naviy ozuqa hududlariga ajratilgan bo‘lib, yo‘nalishlarga mos ravishda jihozlangan.

✅ Hududda o‘rnatilgan tarixiy eksponatlar va harbiy texnikalar yoshlarga milliy armiyamizning tarixi va buguni haqida ma’lumotlar berish bilan birga ularda harbiy Vatanparvarlik tuyg‘usini shakllantirishga xizmat qiladi.

12Фев, 2024

Ichki turizm

🔰Tadbirkorlik va boshqaruv fakulteti tyutorlari O’zbekiston Respublikasi Prezidentining 2022-yil 30-apreldagi «Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida»gi PQ 232-sonli qarori 16-bandi ijrosini ta’minlash, ichki turizmni rivojlantirish, talaba-yoshlarni har tomonlama qo’llab-quvvatlash hamda ularning bo’sh vaqtini mazmunli tashkil etish maqsadida viloyatimiz bo’ylab sayohat tashkil etishdi.

✅ Kuni kecha Tadbirkorlik va boshqaruv fakulteti «Turizm» yo’nalishi 7 TU -23 guruh talabalari viloyatimizdagi tarixiy qadamjolar hamda manzilgohlarda bo’lishdi.

✅ Sayohat davomida 1109-1110-yillarda qurilgan Jarqo’rg’on minorasi hamda X asrda barpo etlgan Al Hakim at-Termiziy maqbarasi bilan yaqindan tanishib, o’z sohasiga oid amaliy ko’nikmalarini shakllantirishdi.

11Фев, 2024

Inson qadri.

11Фев, 2024

11-fevral-“Ilm-fan sohasidagi ayollar va qizlar xalqaro kuni”

BMT Bosh Assambleyasining 2015-yil 22-dekabrdagi 70-sessiyasida 11-fevral-“Ilm-fan sohasidagi ayollar va qizlar xalqaro kuni” sifatida rasman eʼlon qilinib, 2016-yildan boshlab mazkur sana dunyoning ko‘plab davlatlarida keng nishonlanib kelinmoqda.Shu munosabat bilan bugun, 10-fevral kuni DTPIda ham “Ilmli ayol-jamiyat ko‘zgusi” haftaligi doirasida xotin-qizlar maslahat kengashi tashabbusi bilan “Olima ayollar-e’tiborda” mavzusida ma’naviy-ma’rifiy tadbir bo’lib o’tdi. Unda so‘zga chiqqanlar ilm-fan, taʼlim, madaniyat va boshqa sohalarda yutuqlarga erishgan ayollar, yuksak davlat mukofotlari bilan taqdirlangan, xalqaro ko‘rik-tanlovlar, olimpiadalar g‘olib va sovrindorlari bo‘lgan, iqtidorli qizlar, olima ayollar, ularning yutuqlari haqida gapirib o‘tdilar. Tadbir so’nggida olima ayollar institut rahbariyati tomonidan tashakkurnoma va esdalik sovg’alari bilan taqdirlanishdi.Mazkur tadbir talabalarda o‘zgacha taassurot qoldirib, ularning ilm-fanga bo‘lgan qiziqishlarini yanada ortishiga zamin yaratdi.