🔰 Bugun, 4-sentabr kuni DTPI rektori Oybek Ruziyev boshchiligida oliygohimiz mas’ullari “Bir bo’lsak – yagona xalqmiz, birlashsak – Vatanmiz!” shiori ostidagi “Bilimlar kuni” tadbirlari doirasida Denov tumanida joylashgan 10-umumiy o’rta ta’lim maktabiga tashrif buyurishdi.

⚡️ Tashrif davomida DTPI rektori O.A.Ruziyev mazkur maktabda o’quvchilar uchun yaratilgan sharoitlarni ko’zdan kechirdi, so’ngra joriy yilda ilk bor maktab ostonasiga qadam qo’ygan birinchi sinf o‘quvchilarini ushbu kun bilan tabriklab, ular bilan samimiy suhbatlashdi.

✅ Shuningdek, maktabning yuqori sinf o’quvchilarini ham yangi o’quv yilining ilk kuni bilan tabriklab, Denov tadbirkorlik va pedagogika instituti va 10-umum ta’lim maktabi hamkorligi haqida o‘z fikrlarini bayon etdi. Yurt ravnaqida, o‘zlarining shaxsiy hayotida muhim ahamiyat kasb etadigan maktab ta’limining ma’suliyatli yillarida ularga omad va muvafaqqiyatlar tiladi.