Denov tadbirkorlik va pedagogika instituti
Denov tadbirkorlik va pedagogika instituti
Surxondaryo viloyati hokimi U. Qosimov boshchiligida 2024-yil 5-fevral kuni o’tkazilgan yig’ilishda Termiz davlat universiteti rektori A. Toshqulov tomonidan «Ma’naviyat sektori» bo’yicha tavsiya etilgan taqdimoti Denov tadbirkorlik va pedagogika instituti Manaviyat kengashida keng o’rganib chiqildi hamda institutdagi barcha fakultetlarda ommalashtirish va keng targ’ib qilish vazifasi yuklatildi.
Denov tadbirkorlik va pedagogika institutida “Teatr ijodkorlari yoshlar davrasida” sevimli va mahoratli aktyorlar bilan uchrashuv o‘tkazildi. Uchrashuvda teatr va o‘zbek kinosida o‘ziga xos o‘ringa ega taniqli aktyorlar O‘zbekistonda xizmat ko‘rsatgan artist Xurshid To’xtayev, Alisher Atabayevlar teatr va kino sohasida erishgan yutuqlari, sahna mashaqqatlari, tomoshabinlar mehrini qozonish ularning olqishiga erishish nechog‘lik qiyin ish ekanligi to‘g‘risida ta’kidlab o‘tishdi. Uchrashuv davomida kino sohasida olib borilayotgan islohotlar, yutuqlar kamchiliklar hamda muammolar tahlil qilindi.
Yakunda talaba-yoshlar o‘zlarining qiziqtirgan savollariga javob olishdi.
Madhiya mustaqil davlatning belgisi, hamdu sanosi va ayrilmas nishonasidir. Madhiya-qalbida o’z Vataniga muhabbat va sadoqat tuyg’usi bor har qanday kishida milliy g’urur, o’ziga xos fikr, eng muhimi yurtga mehr uyg’otadi. Talaba-yoshlarni vatanparvarlik ruhida tarbiyalash, ularni davlat ramzlariga bo’lgan hurmat ehtirom tuyg’ularini yuksaltirish maqsadida «Aniq va tabiiy fanlar» hamda «Filologiya» fakultetlari professor-o’qituvchilari va talabalari dars jarayonlari oldidan O‘zbekiston Respublikasi Davlat Madhiyasini birgalikda kuylashdilar. Jarayon institutimizning «Tadbirkorlik va boshqaruv» hamda «Pedagogika» fakultetlarida ham tizimli ravishda yo’lga qo’yilgan. Kunning Madhiya sadolari ostida boshlanishi barchamizga iftixor, shijoat, sadoqat kabi tuyg’ularining kun davomida hamroh bo’lishiga ishonamiz.
Denov tumanida joylashgan 1-sonli Prezident maktabning bitiruvchi sinf o’quvchilari «Ochiq eshiklar kuni» loyihasi doirasida Denov tadbirkorlik va pedagogika institutiga tashrif buyurishdi. Ular Yoshlar ittifoqi Boshlang‘ich tashkiloti yetakchisi S. Xidirov tomonidan kutib olinib, institutimizda tashkil etilgan ma’naviyat sektori, qolaversa axborot resus markazida yaratilgan sharoitlar bilan yaqindan tanishtirildi.
Joriy yilning 30-yanvar kuni Tadbirkorlik va boshqaruv fakulteti Tarix va falsafa kafedrasi tashabbusi bilan O’zbekiston Respublikasi birinchi Prezidenti I. A. Karimov tavallud kuniga bag’ishlangan «Zakovat» intellektual o’yini bo’lib o’tdi. Tadbirda ishtirokchi talabalarning I.A.Karimov asarlari va harbiy san’at tarixiga oid bilimlari sinovdan o’tkazildi.Tadbir so’nggida g’olib jamoalar diplom va estalik sovg’alar bilan taqdirlanishdi.
Xabaringiz bor, Denov tadbirkorlik va pedagogika instituti hamda Rossiya Federatsiyasi Nijniy Novgorod lingvistika universiteti bilan hamkorlik aloqalari kundan kunga jadallashib bormoqda. Hamkorlar tashabbusi bilan oliygohimizda 2024-yil 5-fevral kuni rus va ingliz tili fanlaridan xalqaro olimpiada o’tkazilishi belgilangan. Kuni kecha mazkur xalqaro tadbirga tayyorgarlik yuzasidan ikkala OTMlar mutassadilarining maslahat kengashi o’tkazildi. Kengash kun tartibida xalqaro olimpiadani o’tkazishga oid tashkiliy masalalar muhokama qilindi.
Prezident Shavkat Mirziyoyev 30 yanvar kuni Toshkent shahrida Islom Karimov haykali poyiga gulchambar qo‘ydi.
Tarixiy xotirasiz kelajak yo‘q. O‘zbekistonning mustaqillikka erishishi va davlat qurilishida Birinchi Prezidentimizning ulkan xizmatlari borligini hurmat bilan yodga olamiz.
Davlatimiz rahbari Shavkat Mirziyoyevning e’tibori bilan uning xotirasi abadiylashtirildi, maqbarasi barpo etildi. Islom Karimov tavallud topgan 30 yanvar kunini nishonlash an’anaga aylandi.
Fidoyilarini e’zozlagan xalq hamisha hurmatga sazovor. Xotira tadbiri buning yana bir ifodasi bo‘ldi. Qur’on oyatlari o‘qilib, duo qilindi. Birinchi Prezidentimizning O‘zbekiston manfaati yo‘lida qilgan ishlari, insoniy fazilatlari yodga olindi.
Islom Karimov nomidagi ilmiy-ma’rifiy yodgorlik majmuasida o‘tgan marosimda Oliy Majlis palatalari, Prezident Administratsiyasi va hukumat vakillari, ilm-fan va madaniyat namoyandalari, shahar jamoatchiligi ishtirok etdi.
Birinchi Prezidentimizning Samarqand va Qarshi shaharlaridagi haykallari poyiga ham gullar qo‘yildi.
O‘zbekiston Respublikasi Vazirlar Mahkamasi Rayosatining 2023-yil 27-apreldagi 39-son bayoni ijrosini ta’minlash maqsadida Denov tadbirkorlik va pedagogika instituti Tarix va falsafa kafedrasi tomonidan “Mamlakatimizda uchinchi renessans g‘oyasini keng targ‘ib qilishda ijtimoiy-gumanitar fanlarning ahamiyati va o‘rni” mavzusidagi respublika ilmiy-amaliy anjumanini ilmiy ishlar va innovatsiyalar bo’yicha prorektor R.Mamajanov kirish so’zi bilan ochib berdi va ilmiy-amaliy anjuman yuqori saviyada o‘tkazildi.
🔰 Anjuman 4 ta sho‘bada tashkil etildi. Konferensiyada O‘zbekiston milliy universiteti, Termiz davlat universiteti, Toshkent davlat kimyo xalqaro universiteti yetakchi tarixchi professor-o‘qituvchilari o‘zlarining ma’ruzalari bilan ishtirok etishdi.
✅ Unda mamlakatimizning kelajagi va uning istiqbolli strategik yo‘lini taʼlim-tarbiya va milliy mentalitetimiz asoslari bilan mustahkamlash hamda uning nazariy asoslarini tahlil qilish ko‘zda tutildi
Tojikiston Respublikasining Dushanbe shahrida davom etayotgan Markaziy Osiyo davlatlari rektorlarining II-Forumi doirasida bugun institutimiz delegatsiyasi a’zolari Tojikiston Xalqaro turizm va tadbirkorlik universitetiga tashrif buyurishdi.
🔰Mehmonlarni universitet talabalari va rahbariyati iliq kutib olishdi. So’ngra mehmonlar oliygohning yangi binosida bo’lishib, bu yerda yaratilgan qulayliklar va yangiliklar bilan tanishdilar.
✅ Universitet rektori, professor Ubaydullo Asrorzoda mazkur rasmiy uchrashuvda ikkala OTMlar hamkorligini mustahkamlashga oid dolzarb masalalar muhokama qilindi hamda yangi hamkorlik Memorandumi tuzildi.
❇️ Uchrashuv yakunida institutimiz rektori f.f.d., professor G’. X. Raximov doktorant va magistrantlarga “O’zbekistonda oliy ta’lim» mavzusida ilmiy ma’ruza o’qidi va universitetning maxsus tashakkurnomasiga sazovor bo’ldi.
✅ Tojikiston safarlari davom etmoqda.
Kecha Surxondaryo viloyati Prokuraturasi hamda viloyat Kambag‘allikni qisqartirish va bandlik Bosh boshqarmasi tashabbusi bilan DTPIda bo‘sh ish o‘rinlari mehnat yarmarkasi bo‘lib o‘tdi.
🔰Unda Xotin-qizlarni, yoshlarni munosib ish va daromad manbai bilan ta’minlash, ularga IT-texnologiyalarini o‘rgatish, tadbirkorlikka keng jalb etish, yoshlarning bo‘sh vaqtini mazmunli tashkil etish uchun 118 ta korxona, tashkilot va tadbirkorlik sub’ektlari 325 ta bo‘sh ish o‘rinlari bilan qatnashdi.
✅Mehnat yarmarkasida 488 nafar ishsiz va ish qidiruvchi hamda ijtimoiy himoyaga olingan fuqarolar ish bilan bandligi ta’minlanishiga ko‘maklashildi. Qayta tayyorlov kurslariga 2 nafar hamda doimiy ish o‘rinlariga 56 nafar fuqarolarning ishga joylashishiga erishildi.
❇️Shuningdek, “Yoshlar jamg‘armasi” orqali 15 nafar yoshga duxovka, 25 nafar yoshga elektrpayvandlash uskunasi, 5 nafar yoshga benzoarra, 5 nafar yoshga tikuv mashinasi, 3 nafar yoshga asboblar jamlanmasi hamda 3 nafar yoshga motokultivator berildi.