• Найти:
    24Июл, 2024
    Turizm va mehmonxona xo‘jaligi sohalarida kadrlar tayyorlash tizimi 3 yillik bo‘ladi

    🔰 Unga ko‘ra, 2024/2025-o‘quv yilidan davlat oliy ta’lim muassasalarida turizm va mehmonxona xo‘jaligi sohalarida kadrlar tayyorlash tizimi uch yillik oliy ta’lim dasturlari asosida yo‘lga qo‘yiladi va o‘quv jarayoni “blok-modul” tizimiga asoslangan dual ta’lim shaklida tashkil etiladi.

    🔘 Bunda, o‘quv jarayonlarining nazariy va amaliy mashg‘ulotlar ulushini:

    1️⃣ bosqichda – 80 foiz nazariy va 20 foiz amaliy;
    2️⃣ bosqichda – 50 foiz nazariy va 50 foiz amaliy;
    3️⃣ bosqichda – 30 foiz nazariy va 70 foiz amaliy bo‘lishi nazarda tutiladi.

    🗓 2024-yil 1-avgustdan turizm sohasida kadrlar tayyorlovchi oliy ta’lim muassasalarida yuridik shaxs maqomiga ega bo‘lmagan amaliyot bazalarini (turoperator, turagent, gid-tarjimon, mehmonxona va turizm transporti xizmatlarini ko‘rsatish obyektlari) belgilangan tartibda tashkil etishga ruxsat beriladi.

    🔍 2027-yil 1-yanvargacha turizm sohasida kadrlar tayyorlovchi oliy ta’lim muassasalarining amaliyot bazalarida ko‘rsatilgan xizmatlar uchun foyda solig‘i ushbu soliq bo‘yicha belgilangan soliq stavkalariga nisbatan 50 foizga kamaytirilgan stavkada to‘lanadi.

    2025/2026-oʻquv yilidan Samarqand shahridagi Xalqaro turizm akademiyasida mehmonxonalar va restoranlar uchun yuqori malakali xizmat koʻrsatuvchi xodimlarni tayyorlash yoʻlga qoʻyiladi.

    🗓 2025-yil 1-martgacha “Ipak yoʻli” turizm va madaniy meros xalqaro universiteti qoshidagi professional taʼlim muassasalariga xalqaro darajada tan olingan taʼlim dasturlarini “franshiza” asosida joriy etish choralari koʻriladi.

    🏢Oliy taʼlim, fan va innovatsiyalar vazirligi:

    🔹2024/2025-oʻquv yiligacha turizm va mehmonxona xoʻjaligi sohalari boʻyicha oliy taʼlim dasturlarini jahon reytingida birinchi 100 talikka kiruvchi nufuzli OTMlarning taʼlim dasturlari asosida qayta koʻrib chiqadi;

    🔸turizm va mehmonxona xoʻjaligi sohalariga oid oliy taʼlim yoʻnalishlarining dual taʼlim shakli boʻyicha Taʼlimning xalqaro standart tasniflagichi darajalari bilan uygʻunlashgan yangi malaka talablari hamda taʼlim dasturlarini ishlab chiqadi;

    🔹belgilangan OTMlar huzurida shartnoma asosida arab, yapon, xitoy, hind, ispan, italyan, koreys, urdu, indonez va malay tillarida xizmat koʻrsatuvchi gid-tarjimonlarni tayyorlash boʻyicha qoʻshimcha kurslarni tashkil etadi.

    22Июл, 2024
    «Biz bir bo’lsak — yagona xalqmiz, birlashsak Vatanmiz»

    ❇️ Ayni vaqtda Denov tadbirkorlik va pedagogika instituti faollar zalida Vatanimiz mustaqiligining 33 yilligi munosabati bilan «Biz bir bo’lsak — yagona xalqmiz, birlashsak Vatanmiz» shiori ostida musiqa festivali bo’lib o’tmoqda. 

    ✅ Unda Respublikamizdan tashrif buyurgan taniqli ijodkorlar: shoirlar, xonandalar, aktyorlar, shuningdek, mehnat fahriylari, Denov tuman hokimligi hamda Denov tadbirkorlik va pedagogika instituti vakillari ishtirok etib, ijodkorlar tomonidan taqdim etilayotgan kuy-navo, she’rlari orqali madaniy hordiq olishmoqda.

    21Июл, 2024
    Bakalavr va magistratura qabuli uchun jami 44 203 ta davlat granti o‘rinlari ajratildi

    O‘zbekiston Respublikasi Prezidentining 2024-yil 19-iyuldagi F–36-son farmoyishi bilan 2024/2025-o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi (granti) parametrlari tasdiqlandi. Unga ko‘ra:

    🔹 bakalavr kunduzgi ta’lim shakliga – 34 838 nafar;

    🔸 magistrlar tayyorlash bo‘yicha – 9 365 nafar grant o‘rinlari ajratildi.

    Shuningdek, Davlat komissiyasi tomonidan 2024/2025-oʻquv yili uchun: 

    ▪️bakalavriat taʼlim yoʻnalishiga qabul boʻyicha:

    ➖umumiy qabul parametrlarini; 

    ➖qoʻshimcha qabul parametrlarini;

    ➖oʻqishga qabul qilishning minimal oʻtish balini;

    ➖maqsadli qabul kvotalarini va ushbu kvotalarning tuman (shahar)lar kesimidagi taqsimotini; 

    ➖umumiy qabul parametriga nisbatan davlat granti kvotasining ulushini;

    ▪️hamda magistratura mutaxassisliklari boʻyicha umumiy qabul parametrlarini tasdiqlanishi belgilandi.

    2024/2025-o‘quv yilida davlat oliy ta’lim muassasalariga bakalavriatning KUNDUZgi ta’lim shakli bo‘yicha o‘qishga qabul qilishning davlat buyurtmasi (granti) parametrlari

    2024/2025-o‘quv yilida davlat oliy ta’lim muassasalari magistraturasiga o‘qishga qabul qilishning davlat buyurtmasi (granti) parametrlari

    21Июл, 2024
    2024/2025-oʻquv yili uchun davlat oliy ta‘lim muassasalariga kirish test imtihonlarining 7-kuni boʻlib oʻtmoqda. Oliy ta‘lim muassasalarining “Volontyorlar guruhi” a‘zolari faollik bilan ishtirok etishmoqda.

    ➖Denov tadbirkorlik va pedagogika instituti;

    ➖Namangan to‘qimachilik sanoati instituti;

    ➖Jizzax politexnika instituti;

    ➖Jizzax davlat pedagogika universiteti;

    ➖Nukus konchilik instituti;

    ➖Guliston davlat pedagogika instituti;

    ➖Urganch davlat universiteti;

    ➖Toshkent axborot texnologiyalari universiteti Urganch filiali;

    ➖Termiz davlat pedagogika instituti; 

    ➖Qoraqalpoq davlat universiteti;

    ➖O‘zbekiston davlat san‘at va madaniyat instituti Nukus filiali; 

    ➖Toshkent kimyo-texnologiya instituti Yangiyer filiali;

    ➖Andijon davlat tibbiyot instituti;

    ➖Toshkent axborot texnologiyalari universiteti Nukus filiali;

    ➖Farg‘ona jamoat salomatligi tibbiyot instituti;

    ➖Termiz iqtisodiyot va servis universiteti

    Batafsil bu yerda

    20Июл, 2024
    Bitiruvchi-2024

    🏛  Bugun Denov tadbirkorlik va pedagogika instituti Tadbirkorlik va boshqaruv fakulteti bitiruvchi kurs talabalariga diplom topshirish tadbiri o’tkazildi. 

    🔰  Tadbirda institut rektori O.A.Ro‘zyiev, fakultet dekani M.J.Toshboboyev, dekan o’rinbosarlari va bitiruvchilar ishtirok etishdi. 

    ✅ Bitiruvchilarga diplom va estalik sovg’alari topshirildi.  

    20Июл, 2024
    «Bo’lajak olim» tanlovida ishtirok eting!

     Oliy ta’lim, fan va innovatsiyalar vazirligi huzuridagi Innovatsion rivojlanish agentligi hamda Yoshlar akademiyasi yoshlarning ilmiy g’oyalari va startap loyihalarini qo’llab-quvvatlash maqsadida «Bo’lajak olim» tanlovini e’lon qiladi.

     Tanlovda shartlari va ishtirok etishga qo’yiladigan talablar bilan batafsil BU YERDA (https://innovation.gov.uz/contest/post-1675) tanishishingiz mumkin.

     Tanlovga arizalar joriy yilning 15-avgust 00:00 ga qadar qabul qilinadi.

     Tanlovda ishtirok eting va o’z tashabbusingizni biz bilan rivojlantiring!

    20Июл, 2024
    Bitiruvchi-2024

    2023/2024-o‘quv yilida filologiya fakultetining 362 nafar talabalari “Filologiya va tillar o‘qitish: o‘zbek tili”, “Xorijiy til va adabiyoti: ingliz tili”, “O‘zga tilli guruhlarda rus tili” ta’lim yo‘nalishlari bo‘yicha kunduzgi shaklda o‘qishni tamomlab, katta hayotga yo‘llanma olishmoqda. Ular orasida nomdor stipendiantlarning borligi e’tiborga loyiq.

         Shu munosabat bilan bitiruvchilarga diplom topshirish marosimida ishtirok etgan ish beruvchilar, jamoatchilik vakillari, ota-onalar institutda yoshlarga sifatli ta’lim olishlari uchun yaratilgan sharoitlarni e’tirof etishdi.

         Tadbirda institut rektori O.A.Ro‘zyiev, o‘quv ishlari bo‘yicha prorektor S.N.Allayorova bitiruvchilarga diplom topshirib, ularga omad tilashdi.

    20Июл, 2024
    Imtihonsiz perevod qilsa bo’ladimi?

    Yaqinda internetda bir video tarqaldi. Unda turdosh bo‘lmagan yo‘nalishlarga imtihonsiz o‘qishni ko‘chirish mumkinligi haqida aytilgan. Buni ko‘rgan minglab talabalarning yuragiga g‘ulg‘ula tushdi, halovati yo‘qoldi. “Nahotki men imtihonsiz osongina davlat oliygohiga o‘qishimni ko‘chira olsam?” deya shirin orzularga berilishdi.

    Lekin bu yerda siz bilishingiz kerak bo‘lgan 3 ta masala bor:

    1️⃣ Birinchidan, videodagi gaplar yangilik emas, ushbu tartib 2022-yildagi Prezident qarorida belgilangan, ya’ni 2 yildan buyon amalda.

    2️⃣ Ikkinchidan, xususiy oliygohlardan hamda yurtimizdagi xorijiy OTM filiallaridan davlat oliygohlarining mos va turdosh bo‘lmagan yo‘nalishiga bir martalik «super-kontrakt» to‘lab, imtihonsiz ko‘chirish mumkin. Ya’ni bu yo‘nalishga qarab 50 mln so‘mdan 250 mln so‘mgacha bo‘ladi.

    O‘tgan yilgi «super-kontrakt» narxlari bu yerda:

    https://t.me/xushnudbek/21116

    ❗️Lekin xorijdagi oliygohlardan mos va turdosh bo’lmagan yo’nalishga o’qishni ko’chirib bo’lmaydi. “Super-kontrakt” evaziga ham.

    3️⃣ Uchinchidan, mos va turdosh bo‘lmagan yo‘nalishga o‘qishni ko‘chirayotganda 99% holatda talaba bitta kurs pastdan o‘qishni boshlaydi. Chunki o‘quv rejasidagi fanlardagi farqlar soni ko‘p bo‘ladi. 

    Masalan, 1-kursni xususiy oliygohda o‘qib tugatgan talaba bir martalik super-kontrakt uchun pul topgan taqdirda ham, davlat universitetiga borganda 1-kursni yana qaytadan o‘qiydi, 2-kursdan davom ettirmaydi. Boshqacha aytganda 1 yil yo‘qotadi. Agar yuqori kurs bo‘lsa, unda 2-3 yil yo‘qotishi ham mumkin.

    O‘zi umuman o‘qishni ko‘chirayotganda shunga alohida e’tibor bering. Agar fanlardagi farqlar soni 4 ta va undan yuqori bo‘lsa, unda siz bitta kurs pastga tushishingiz mumkin.

    Xullas, mos va turdosh bo‘lmagan yo‘nalishga o‘qishni imtihonsiz ko‘chirishni xohlayotganlar mana shu jihatlarni inobatga olishi kerak. Agar bu shunchalar oson ish bo‘lganda, 2 yildan buyon hamma shunaqa qilgan bo‘lar edi.

    Xorijdan esa umuman noturdosh yo’nalishga o’qishni ko’chirish taqiqlangan. Xorijdagilar albatta testga kiradi va yetarli o’tish balini olsa, o’qishini ko’chiradi. Agar o’tish balini ololmasa, unda “super-kontrakt” orqali ko’chirish mumkin.

    2024-yilgi o’tish bali bu yerda:

    https://t.me/xushnudbek/24554

    20Июл, 2024
    Qabul jarayoni

    🏽 Ayni vaqtda 2024/2025-o’quv yilida  oliy ta’lim muassasalariga o’qishga kirish uchun test sinovlarining yettinchi kuni 2-smenasida imtihonlar bo‘lib o‘tmoqda. Imtihonlarning adolatli va shaffof o’tishini ta’minlash maqsadida jarayonlar to‘liq videokuzatuv ostida onlayn translyatsiya qilingan holda o‘tkazilmoqda.     

    ✅ Denov tuman bolalar, o‘smirlar sport maktabi sport zali manzilida  25-33 guruhlarda ro‘yxatdan o‘tgan 240 nafar abituriyentlar test sinovlaridan o‘tishmoqda. Ularning ota-onalari va kuzatib kelganlar o‘zlari uchun mo‘ljallangan joyda yaqinlarining testdagi ishtirokini bevosita kuzatishmoqda.  

    📹 Test jarayonlarini to‘g‘ridan-to‘g‘ri onlayn kuzatish uchun havola: https://test2024.uz/Surxondaryo/41

    19Июл, 2024
    Denov tadbirkorlik va pedagogika institutida bitiruvchilarga diplomlarini topshirish marosimi bo‘lib o‘tdi.

    🔰 Bugun, 19-iyul kuni Denov tadbirkorlik va pedagogika instituti Pedagogika fakulteti va Aniq va tabiiy fanlar fakultetining yo’nalishlari kesimida joriy yilda o’qishni tamomlab, bakalavr hamda magistr darajasini qo’lga kiritayotgan bitiruvchilarga davlat namunasidagi diplomlar topshirildi.

    ❇️ Ushbu tadbirda oliygoh mas’ullari ham ishtirok etib, bitiruvchilarga o’zining samimiy tabrigini yo’llab, yana bir mas’uliyatni zimmalariga olayotganliklari, ilm yo’lida aslo to’xtamasliklarini ta’kidlashib,  diplomlarni o’z egalariga topshirishdi.

    ✅ Ma’lumot o’rnida, joriy yilda oliygohimizni 16 ta bakalavriat ta’lim yo’nalishlarida jami 1586 nafar (kunduzgi 1026 nafar, sirtqi 560 nafar) talaba hamda 8 ta magistratura mutaxassisliklarida 30 nafar talaba o’qishni tamomlab, diplomlarni qo’lga kiritmoqda.

    Язык