So’nggi yangiliklar — Страница 20

7Окт, 2024

DTPI da respublika ilmiy-amaliy anjuman bo’lib o’tmoqda

🏛 Ayni vaqtda Denov tadbirkorlik va pedagogika institutida «Davlat va xususiy sektordagi raqamli transformatsiya jarayonlari va biznesni boshqarishda raqamli texnologiyalarning o’rni» mavzusida Respublika ilmiy-amaliy anjumani bo’lib o’tmoqda.

✅ Anjuman gibrid shaklda tashkillashtirilgan bo’lib, unda Hindiston, Tojikiston davlat moliya iqtisodiyot universiteti, Toshkent davlat iqtisodiyot universiteti, Toshkent irrigatsiya universiteti, Termiz davlat universiteti, Termiz iqtisodiyot va servis universitetidan tashrif buyurgan soha vakillari o’z ma’ruzalari bilan ishtirok etmoqda.

🔰 Hozir anjuman raqamli transformatsiya zamonaviy dunyoda korxonaning strategik rivojlanishining muhim omili va korxonalar raqobatbardoshligini oshirishda raqamli transformatsiyalarning o’rni kabi asosiy sho’balarda o’z ishini olib bormoqda.

7Окт, 2024

Sport — sog’lik garovi

7Окт, 2024

Talabalar bilan suhbat

🏛 DTPI 3-sonli TTJda Yoshlar masalalari va ma’naviy-ma’rifiy ishlar bo’yicha dekan o’rinbosari R.Ravshanqulova, Pedagogika fakulteti Xotin-qizlar masalalari bo’yicha dekan maslahatchisi I.Elmurodova, tarbiyachi-pedagog N.Shukurovlar birgalikda fakultetda qo’shimcha kvota asosida o’qishga qabul qilingan talaba-qizlar bilan suhbatlashdi.

🔰 Suhbat davomida institutimiz Ilmiy kengashi tomonidan tasdiqlangan odob-axloq qoidalari va ichki tartib qoidalar haqida aytib o’tildi.

✅ Suhbat so’ngida talaba-qizlarning bo’sh vaqtini qanday tashkil qilingani o‘rganildi va kerakli maslahatlar berildi.

7Окт, 2024

Ma’rifat ulashib

🏛 Denov tadbirkorlik va pedagogika institutida “Ma’rifat ulashib” loyihasi doirasida oliygohimizga tashrif buyurgan taniqli ijodkorlar talaba-yoshlarda kitobxonlik madaniyatini yanada yuksaltirish, yosh avlodni kitobxonlikka bo‘lgan qiziqishini oshirish maqsadida zamonaviy tipda qurib ishga tushirilgan Axborot resurlar markazi bilan yaqindan tanishishdi.

7Окт, 2024

Shoir va talaba yoshlar uchrashuvi

4Окт, 2024

Tadbirkor o‘zi o‘qigan maktabga yangi bino qurib berdi

🔰 Kuni kecha nishonlangan 1-oktyabr «Ustoz va murabbiylar» bayrami munosabati bilan Oltinsoy tumanidagi 48-umumiy o’rta ta’limi maktabining 630 nafar o’quvchiga mo’ljallangan yangi o’quv binosi qurib foydalanishga topshirildi.

✅ Umumiy qiymati 32,5 mlrd so’m mablag’ evaziga qurilgan maktabning yangi binosini moliyaviy ta’minlashda shu bilim dargohi sobiq o’quvchisi tadbirkor Jamshid Pardayevning xizmatlari katta bo’ldi.

❇️ Tantanali ochilish marosimida so’z olgan viloyat hokimi Ulug’bek Qosimov, senator Orzuqul Soatov, TerDU rektori Abduqodir Toshqulov, poytaxtdan tashrif buyurgan zabardast shoir Shodmonqul Salom va boshqalar barcha yig’ilgan ustoz va murabbiylarni kasb bayramlari bilan samimiy muborakbod etdi.

🎗 Ushbu tantanada Denov tadbirkorlik va pedagogika instituti rektori Oybek Ruziyev boshchiligida oliygohning bir qator professor-o’qituvchilari ham ishtirok etdi.

4Окт, 2024

Koreya delegatsiyasi bilanuchrashuv o’tkazildi.

Bugun Surxondaryo viloyati hokimi Ulug‘bek Qosimov Oltinsoy tumanida Koreya Respublikasidan tashrif buyurgan “Sinsung” kompaniyasi direktori Jang Indeyok va “Beautiful People” uyushmasi vakili Jeyong Yong Juni qabul qildi.

Koreyaning “Beautiful People” uyushmasi va Sinsung kompaniyasi hamda Toshkent shahrida tashkil etilgan “Koreya markazi” MChJ qo‘shma korxonasi vakillaridan iborat delegatsiya Oltinsoy tumaniga tashrifi davomida sog‘liqni saqlash muassasalari, maktab va bog‘chalar faoliyati bilan tanishishgan.

Uchrashuv davomida tomonlar kelgusida sog‘liqni saqlash va ta’lim sohalari o‘zaro hamkorlini yo‘lga qo‘yish, tajriba almashish, ilg‘or tajribalarni joriy etish masalalarini muhokama qildi hamda kelgusida istiqbolli hamkorlik aloqalarini o‘rnatishdan manfaatdor ekanliklarini qayd etishdi.

4Окт, 2024

Viloyatimizga tashrif buyurgan xorijlik mehmonlar Denov tadbirkorlik va pedagogika institutida ham bo’lishdi

🔰 Kuni kecha Koreyaning “Beautiful People” uyushmasi va Sinsung kompaniyasi hamda Toshkent shahrida tashkil etilgan “Koreya markazi” MChJ qo‘shma korxonasi vakillaridan iborat delegatsiya Surxondaryo viloyati hokimi Ulug‘bek Qosimov boshchiligida Denov tadbirkorlik va pedagogika institutiga tashrif buyurdi. Mehmonlar oliygohda mavjud imkoniyatlar bilan yaqindan tanishishdi.

❇️ Uchrashuv davomida kelgusida ta’lim sohalari o‘zaro hamkorlini yo‘lga qo‘yish, tajriba almashish, ilg‘or tajribalarni joriy etish masalalarini muhokama qilindi hamda kelgusida istiqbolli hamkorlik aloqalarini o‘rnatishdan manfaatdor ekanliklarini qayd etishdi.

2Окт, 2024

Hurmatli ustozlar, professor-oʻqituvchi, murabbiylar!

1-oktyabr – jamiyat taraqqiyotida oʻqituvchi va murabbiylarning oʻrni qanchalik muhim ekani tarannum etiladigan ezgulik bayramidir. Oʻzbekistonda bu kun oʻz hayotini kelajak avlodni oʻqitish va tarbiyalashga bagʻishlagan Siz ustozlarga hurmat va minnatdorlik bildiramiz.

Soʻnggi yillarda mamlakatimizda taʼlim sohasida jiddiy oʻzgarishlar roʻy berdi va bu oʻzgarishlarning markazida oʻqituvchilar turibdi. Konstitutsiyada ilk bor oʻqituvchi maqomi alohida belgilanishi, yangi qonunlarning qabul qilinishi, davlatimiz taraqqiyot strategiyasining amalga oshirilishi, shuningdek, zamonaviy taʼlim uslublarining joriy etilishi taʼlim tizimini sifatli rivojlantirish uchun asos boʻlmoqda.

Sizlar millat kelajagini shakllantiruvchi yetakchilarsiz – bilim berish bilan bir qatorda yoshlarning fikri, dunyoqarashini oʻzgartirib, millat xarakteriga taʼsir koʻrsatish kuchiga egasiz. Davlatimiz rahbari aytganlaridek “Bizning dunyodagi eng aziz va moʻtabar xazinamiz – bu umrimiz guli va mevasi boʻlgan farzand va nabiralarimizdir”. Siz mana shu farzandlarimiz va nabiralarimizning intiluvchan, yaratuvchan, yangiliklarga tashna, adolatparvar, mehnatkash, haqiqatgoʻy insonlar boʻlib yetishishlariga sababchisizlar.

Prezidentimizning bugungi nutqlarida “Biz mamlakatimizda yangi islohotlarni boshlagan birinchi kunlardan eʼtiboran ana shu ogʻriqli masalani hal etishga – oʻqituvchilarni, bolalar va ayollarni majburiy mehnatdan xalos qilishga kirishdik. Qatʼiy iroda va intilish bilan bu noxush holatlar bugun tarixga aylandi” degan gaplarini tinglarkanmiz, oʻqituvchilarimiz yaqin-yaqinda ham kasb bayramlarini changga botib, paxtazorda oʻtkazishlari xayolimizdan oʻtadi. Muloqotda bugungi kunda barcha soha va tarmoqlardagi islohotlar inson qadri, uning huquq va manfaatlarini taʼminlashga qaratilayotgani taʼkidlandi.

Aziz oliy va professional taʼlim sohasi vakillari!

Ustoz va murabbiylar bayrami munosabati bilan Sizlarning kelajak avlodlar tarbiyasi va taʼlim-tarbiyasi yoʻlidagi mash Ali mehnatingizga ulkan muvaffaqiyatlar tilayman! Ilmiy kashfiyotlar, yangiliklar va taraqqiyot poydevorini shakllantirishdagi saʼy-harakatlaringiz hamisha yutuqlarga boy boʻlsin!

Har kuni siz yoshlarga yangi bilim ufqlarini ochasiz, ularga dunyoda oʻz yoʻllarini topishga yordam berasiz, ularning qobiliyatlarini sayqallaysiz va ularga ilhom bagʻishlaysiz. Sizning aql-zakovatingiz, professionalligingiz va mukammallikka intilishingiz tufayli zamonaviy dunyo sinovlariga tayyor mutaxassislar yetishib chiqmoqda. Sizning mehnatingiz tufayli olgʻa intilmoqdamiz, xalqaro maydonda oʻz oʻrnimizni mustahkamlab, raqobatbardosh taʼlim yaratmoqdamiz.

Barchangizga sihat-salomatlik, kuch-gʻayrat, yangi ilmiy va pedagogik gʻalabalar hamda shogirdlaringizning ulkan yutuqlarini tilayman!

2Окт, 2024

Bayramga tuhfa: Oltinsoyda 630 o‘rinli zamonaviy maktab binosi foydalanishga topshirildi

Bugun Oltinsoy tumanida tadbirkor Jamshid Pardayev tomonidan beg‘araz yordam sifatida yangidan qurib berilgan 48-sonli maktabning 630 o‘rinli binosi foydalanishga topshirildi. Tadbirda Surxondaryo viloyati hokimi Ulug‘bek Qosimov, nuroniylar, viloyat faollari, ta’lim tizimi mutasaddilari hamda o‘qituvchi va o‘quvchilar ishtirok etdi.

Viloyat rahbari maktab 1-oktabr — o‘qituvchi va murabbiylar kuni bayramiga haqiqiy tuhfa bo‘lganini ta’kidlab, tadbirkorning ota-onasiga minnatdorchilik bildirdi. Tadbir ishtirokchilari maktabda yaratilgan sharoitlar bilan tanishishdi.

Zamonaviy talablar asosida barcha sharoitlar bilan ta’minlangan maktabda intellektual sinfxonalar, sport zal, mini stadion, kutubxona, majlislar zali, kompyuter sinfxonalari hamda oshxona barpo etilgan. Bir so‘z bilan aytganda maktabda o‘quvchi va o‘qituvchilar uchun barcha qulayliklar yaratilgan.