Tojikiston Respublikasining Dushanbe shahrida davom etayotgan Markaziy Osiyo davlatlari rektorlarining II-Forumi doirasida bugun institutimiz delegatsiyasi a’zolari Tojikiston Xalqaro turizm va tadbirkorlik universitetiga tashrif buyurishdi.

🔰Mehmonlarni universitet talabalari va rahbariyati iliq kutib olishdi. So’ngra mehmonlar oliygohning yangi binosida bo’lishib, bu yerda yaratilgan qulayliklar va yangiliklar  bilan tanishdilar.

✅ Universitet rektori, professor Ubaydullo Asrorzoda mazkur rasmiy uchrashuvda ikkala OTMlar hamkorligini mustahkamlashga oid dolzarb masalalar muhokama qilindi hamda yangi hamkorlik Memorandumi tuzildi.

❇️ Uchrashuv yakunida institutimiz rektori f.f.d., professor G’. X. Raximov doktorant va magistrantlarga “O’zbekistonda oliy ta’lim» mavzusida ilmiy ma’ruza o’qidi va universitetning maxsus tashakkurnomasiga sazovor bo’ldi.

✅ Tojikiston safarlari davom etmoqda.

Kecha Surxondaryo viloyati Prokuraturasi hamda viloyat Kambag‘allikni qisqartirish va bandlik Bosh boshqarmasi tashabbusi bilan DTPIda bo‘sh ish o‘rinlari mehnat yarmarkasi bo‘lib o‘tdi.

🔰Unda Xotin-qizlarni, yoshlarni munosib ish va daromad manbai bilan ta’minlash, ularga IT-texnologiyalarini o‘rgatish, tadbirkorlikka keng jalb etish, yoshlarning bo‘sh vaqtini mazmunli tashkil etish uchun 118 ta korxona, tashkilot va tadbirkorlik sub’ektlari 325 ta bo‘sh ish o‘rinlari bilan qatnashdi.

✅Mehnat yarmarkasida 488 nafar ishsiz va ish qidiruvchi hamda ijtimoiy himoyaga olingan fuqarolar ish bilan bandligi ta’minlanishiga ko‘maklashildi. Qayta tayyorlov kurslariga 2 nafar hamda doimiy ish o‘rinlariga 56 nafar fuqarolarning ishga joylashishiga erishildi.

❇️Shuningdek, “Yoshlar jamg‘armasi” orqali 15 nafar yoshga duxovka, 25 nafar yoshga elektrpayvandlash uskunasi, 5 nafar yoshga benzoarra, 5 nafar yoshga tikuv mashinasi, 3 nafar yoshga asboblar jamlanmasi hamda 3 nafar yoshga motokultivator berildi.

Bugun 13-sentyabr kuni Tojikiston Respublikasining Dushanbe shahrida Markaziy Osiyo davlatlari rektorlarining II-Forumi o’z ishini boshladi.

🔰 Unda Oliy ta’lim, fan va innovatsiyalar vaziri o’rinbosari Sarvarxon Buzrukxonov ishtirok etib, mazkur forumning Markaziy Osiyo oliygohlarida keyingi istiqbollarida tutadigan o’rni haqida nutq so’zladi.

✅ So’ngra tadbirda yig’ilgan Markaziy Osiyo davlatlari rektorlari sohalar kesimida universitetlararo hamkorlik memorandumlarini imzolashga kirishishdi.

🔰 Shu jumladan, Denov tadbirkorlik va pedagogika instituti rektori G’. X. Raximov ham Rossiya-Tojikiston slavyan universiteti, Lomonosov nomli Moskva davlat universiteti Dushanbe filiali, Tojikiston davlat huquq, biznes va siyosat universitetlari bilan hamkorlik shartnomalarini imzolashga muvaffaq bo’ldi.

❇️ Markaziy Osiyo davlatlari rektorlarining II-Forumi davom etmoqda.