Vazirlar Mahkamasining “Oliy ta’lim tashkilotlari rahbar va pedagog kadrlarini qayta tayyorlash va malakasini oshirish tizimini samarali tashkil qilish chora-tadbirlari to‘g‘risida”gi 415-son qarori (https://lex.uz/uz/docs/-7014313) tasdiqlandi.

Unga ko‘ra:

➖Oliy ta’lim tizimi pedagog va rahbar kadrlarini qayta tayyorlash va ularning malakasini oshirishni tashkil etish Bosh ilmiy-metodik markazi Oliy ta’lim tizimi kadrlarini qayta tayyorlash va malakasini oshirish instituti etib qayta nomlandi.

➖institutning asosiy vazifalari va yangi tuzilmasi tasdiqlandi.

▪️O‘zbekiston davlat jahon tillari universiteti huzurida Pedagog kadrlarni qayta tayyorlash va ularning malakasini oshirish tarmoq markazi tashkil etildi (https://lex.uz/uz/docs/-2057279).

▪️Shuningdek, hukumatning 797-son qarori (https://lex.uz/uz/docs/-4526545) (23.09.2019-y.) bilan tasdiqlangan nizomga ayrim o‘zgartirishlar kiritildi. Jumladan:

malaka oshirishning muqobil shaklini bajargan tinglovchilardan mutaxassislik bo‘yicha mahorat darsini o‘tib berish majburiyati olib tashlandi;

masofaviy malaka oshirish kurslari tinglovchilariga kurs yakunidagi test sinovlari hamda bitiruv (loyiha) ishi himoyasiga onlayn ishtirok etishga ruxsat berildi;

xorijiy mamlakatlarda umumiy davomiyligi 4 hafta yoki 144 soat miqdoridan kam bo‘lmagan malaka oshirish yoki stajirovka o‘tash muqobil malaka oshirish shakli sifatida qabul qilinadi.

▪️Quyidagilar muqobil malaka oshirish shaklidan mustaqil malaka oshirish shakliga o‘tkazildi:

➖xorijiy mamlakatlarda qisqa muddatli malaka oshirish va stajirovkalar;
➖pedagoglar tomonidan davlat buyurtmasi asosida yaratilgan ijodiy ishlar;
➖yakka mualliflikda tayyorlangan darslik va o‘quv qo‘llanmalar;
➖ilmiy rahbarligida DSc (yoki 2 ta PhD) darajasini olish uchun dissertatsiyalarning himoya qilinganligi.