Kuni kecha Denov tadbirkorlik va pedagogika institutida O‘zbekiston xalq shoiri  Sirojiddin Sayyid bilan adabiy uchrashuv o‘tkazildi. 

   Rektor  G‘anisher Raximov boshchiligida Sirojiddin Sayyid institutda yaratilgan imkoniyatlar, etnografik muzey, talabalar turar joylari bilan tanishdi.  Shoir o‘zining iliq taassurotlarini jamoaga izhor etdi. Shuningdek, taʼlim dargohi hududiga pedagoglar ishtirokida archa ko‘chatlari ekildi.

   Talabalar bilan samimiy suhbat chog‘ida bolalik yillari, adabiy muhit, mashhur shoirlar ijodidagi qiziq xotiralar, she‘rlarning yaralish tarixi haqida so‘zlab berdi. Tadbirda sheʼrlar o‘qildi, kuy-qo‘shiqlar tinglandi.

   Muloqot yakunida shoir talabalar va  oliygoh kutubxonasi uchun kitoblar sovg‘a qildi.