Denov tadbirkorlik va pedagogika instituti
Denov tadbirkorlik va pedagogika instituti
🗣 Agar siz institut ta’sir doirasida manfaatlar to’qnashuviga, korrupsioner rahbar yoki xodim tazyiqi ostiga tushgan bo’lsangiz, maslahat so’rash yoki tegishli choralar ko’rilishi uchun darhol Denov tadbirkorlik va pedagogika instituti «Komplayens-nazorat» tizimini boshqarish bo’limi xodimlariga aloqaga chiqishingiz soʻraladi.
Telefon hamda telegram raqamlar:
👉 +998 97 076 06 07
👉 +998 97 699 50 55
DTPIda xalqaro aloqalar bo’yicha amaliy natijalarga erishmoqda
🖌 DTPI 50 ga yaqin nufuzli xorijiy OTMlar, tashkilotlar bilan hamkorlik memorandumini imzolagan. Xususan, 2022-yilda Rossiya Federatsiyasining Top 1000 talikka kirgan Oltoy davlat universiteti bilan hamkorlikda magistratura va bakalavr bosqichida ikki diplomli 1+1 loyihasi asosida qoʼshma taʼlim ochilgan boʼlib, institut rektori O.A.Ruziyev Magistratura 70610101-Komyuter ilmlari va dasturlash texnologiyalari mutaxassisligi 2-kurs magistrlari bilan Oltoy davlat universitetida ikkinchi bosqich o’qishlarini davom ettirish uchun safar oldi uchrashuvini o’tkazdi.
✅ Rektor uchrashuvda talabalarning Oltoy davlat universitetiga sog’-salomat etib olishlari, ularni joy (yotoqxona) bilan taʼminlash hamda yaxshi o’qib o’z sohasining yetuk mutaxassislari bo’lib kelishlari va bir qator tashkiliy masalalar bo’yicha magistrlar bilan suhbatlashib, magistrlarga oq yo’l tiladi.
Sizlarni yangi – 2024/2025-o‘quv yilining boshlanishi bilan chin qalbimdan tabriklayman! Yangi o‘quv yilining boshlanishi talabalar uchun ham, professor-o‘qituvchilar uchun ham hamisha hayajonli. Sizni hayotingizning ushbu muhim bosqichida o‘qishingiz va ilmiy faoliyatingizga innovatsion g‘oyalarga boy loyihalarni amalga oshirishda ulkan muvaffaqiyatlar tilayman.
Keyingi yillarda Prezidentimiz boshchiligida oliy taʼlim tizimini takomillashtirish bo‘yicha keng qamrovli ishlar olib borilmoqda va bu saʼy-harakatlar samarasi o‘z natijasini ko‘rsatmoqda. Xususan, qabul jarayonlarida shaffoflik va adolat mezonlarini yanada mustahkamlash maqsadida joriy o‘quv yilida yangi islohotlar kuchga kirdi. Qabul jarayoniganing yangi tartibi — “avval test, keyin tanlov” tamoyili asosida joriy etildi, shuningdek, bakalavriat va magistratura mutaxassisliklari maqbullashtirildi. Bu talabalarga taʼlim yo‘nalishlarini tanlashda, shuningdek, kelajakda mutaxassis sifatida ishga joylashishda qo‘shimcha qulaylikllar yaratadi.
Talabalarimiz jahonning eng ilg‘or taʼlim standartlariga mos bilim olishi, eng so‘nggi ilmiy yutuqlaridan xabardor bo‘lishi uchun ko‘plab o‘quv adabiyotlari o‘zbek tiliga o‘girilishi yo‘lga qo‘yildi. Xususan, muhandislik, energetika, axborot texnologiyalari va sunʼiy intellekt sohalariga oid xorijiy nashrlarni tarjima qilishga alohida eʼtibor qaratilmoqda.
Talabalarni turar joy bilan taʼminlash ham muhim masalalardan bo‘lib, joriy yilda talabalarga qulaylik yaratish maqsadida davlat oliy o‘quv yurtlari yotoqxonalariga joylashtirish uchun ariza topshirishning onlayn xizmati joriy etildi. Bunda talabalar turar joylariga joylashtirishni yanada shaffof va qulayligini taʼminlanib, ortiqcha sarsongarchiliklarning oldi olindi.
Talabalik buyuk kashfiyotlar va imkoniyatlar davri. Undan unumli foydalaning, yangi bilimlarga intiling, do‘stlar orttiring, kelajak uchun rejalar tuzing va har bir daqiqani qadrlang. Sifatli taʼlim sizning tirishqoqliginingiz, ilmga erishish yo‘lidagi sobitligingiz bilan chambarchas bog‘liqligini unutmang!
Yangi o‘quv yilida Sizlarga yangi yutuqlar, yorqin taassurotlar hamda bilim va malakangizni oshirishda azmu shijoat tilayman!
Hurmat bilan,
Qo‘ng‘irotboy Sharipov
Oliy taʼlim, fan va innovatsiyalar vaziri
Boshlanayotgan har bir kun, har bir daqiqa siz uchun yangi bir imkoniyatlar eshigini ochadi. Porloq erta uchun bugun mashaqqatli mehnat qilish talab etiladi. Mustaqil Oʻzbekistonimizning shonli kelajagi uchun siz-u biz bugun harakat qilmogʻimiz zarur.
Mana, safimiz ulkan marralarni koʻzlagan gʻayratli yigit-qizlar bilan boyidi. Yana bir guruh mutaxassislarni yurt kelajagini bunyod etishlari uchun jamiyat faoliyati tomon kuzatib qoʻydik.
Hurmatli yigit-qizlar! Sizlar bilan 2024/2025 oʻquv yilida ham ulkan marralarni zabt etishdan umidvorman. Ilm yoʻlidagi harakatlaringizga faqat va faqat muvaffaqiyatlar tilab qolaman.
🎗Yangi oʻquv yilingiz muborak boʻlsin!
2024/2025-oʻquv yilidan boshlab respublika davlat oliy taʼlim muassasalariga toʻlov-kontrakt asosida talabalikka tavsiya etilgan abituriyentlar hamda tahsil olayotgan talabalar uchun toʻlov muddatlari quyidagicha belgilandi:
🔹belgilangan toʻlov miqdorining kamida 25 foizi talabalikka tavsiya etilgan abituriyentlar uchun 2024-yil 15-sentyabrgacha yoki Oʻzbekiston Respublikasi taʼlim tashkilotlariga qabul qilish boʻyicha davlat komissiyasi tomonidan belgilangan muddatgacha hamda ikkinchi va undan yuqori kurs talabalari uchun 2024-yil 1-oktyabrgacha yoki oliy taʼlim muassasasi rektori (direktori) tomonidan uzaytiriladigan muddatgacha;
🔸belgilangan toʻlov miqdorining kamida 50 foizi 2025-yil 1-yanvargacha, 75 foizini 2025-yil 1-martgacha va 100 foizini 2025-yil 1-maygacha yoki oliy taʼlim muassasasi rektori (direktori) tomonidan uzaytiriladigan muddatgacha.
Bunda, mazkur tartib moliyaviy mustaqillik berilgan davlat oliy taʼlim muassasalari uchun tavsiyaviy xarakterga ega.
🏛 Kengash yig‘ilishini DTPI rektori O.A.Ruziyev boshqarib bordi.
✅ Kengashda DTPI Yoshlar masalalari va ma’naviy-ma’rifiy ishlar bo‘yicha birinchi prorektori B.R.Jo‘rayevning, O‘quv ishlari bo‘yicha prorektor S.N.Allayorovaning, O‘quv uslubiy bo‘lim boshlig‘i B.Sh.Primqulovning, Reja moliya bo‘limi boshlig‘i R.Xalimovlarning axboroti tinglandi.
⚡️ Raqamli iqtisodiyot kafedrasi o‘qituvchisi Maftuna Ashurovaning O‘zbekiston Respublikasi Prezidentining 2024 yil 27-iyundagi farmoni bilan “Kelajak bunyodkori” medali bilan taqdirlanganligi, Tarix va falsafa kafedrasi o‘qituvchisi Baxtiyor Nazirovning O‘zbekiston tarixi ixtisosligi bo‘yicha dotsent ilmiy unvonini, Pedagogika va psixologiya kafedrasi o‘qituvchisi Shokir Maxmudovning Pedagogik ta’limotlar tarixi ixtisosligi bo‘yicha dotsent ilmiy unvonini olganligi e’tirof etildi.
Kengashda o’rnatilgan tartibda tegishli qarorlar qabul qilindi.
1️⃣ Qonunchilik palatasi deputatlari saylovining bir mandatli saylov okruglari bo‘yicha saylov byulleteni
2️⃣ Qonunchilik palatasi deputatlari saylovining yagona saylov okrugi bo‘yicha saylov byulleteni
3️⃣ Viloyat Kengashi deputatlari saylovi bo‘yicha saylov byulleteni
4️⃣ Tuman, shahar Kengashi deputatlari saylovi bo‘yicha saylov byulleteni
🏛 Ayni kunlarda Denov tadbirkorlik va pedagogika institutida 2024-2025 o‘quv yili oldidan talabalar turar joylariga kelib joylashganlar ko‘p. 1 kurs talabasi Shodiyona Jabborovaning bobosi va buvisi andijondan kuzatib kelishgan edi.
✅ 1-TTJ tarbiyachi pedagogi Eshmamat To‘raev, Tadbirkorlik va boshqaruv fakulteti tyutori Fayoz Isoqovlar talaba va mehmonlarni Denov tumanida joylashgan Olovuddin Attor ziyorotgohi va Said Otaliq madrasasi, “Eko-bog‘” majmualarini tomosha qilishda hamrohlik qilishdi.
🔰 2024 yil 4-sentyabr kuni Tarix va falsafa kafedrasi katta o‘qituvchisi, dotsent Xasanova Nodira Ibragimovna Denov tumanidagi 26-umumiy o‘rta ta’lim maktabida “Bir bo‘lsak – yagona xalqmiz, birlashsak – Vatanmiz!” degan bosh g‘oyani o‘zida mujassam etgan “Birinchi qo‘ng‘iroq” ma’naviy-ma’rifiy tadbirida ishtirok etdi.
🔰Tadbirda o‘quvchilar va o‘qituvchilarni, ayniqsa 1-sinfga qabul qilingan bolajonlarni bayram bilan tabriklab, yangi o‘quv yilida ularga yangi omadlar va zafarlar yor bo‘lishini tilab, otaday mehribon, onaday mo‘tabar shu aziz Vatanga munosib farzand bo‘lishlariga ishonch bildirdi.
