Turkiya-O’zbekiston ta’lim forumi
Turkiya-Oʻzbekiston uchinchi taʼlim forumi doirasida 60 dan ortiq hujjat imzolandi
Forumning shoʻba yig‘ilishlari doirasida ikki davlatning 86 ta oliy taʼlim muassasalari rektorlari ishtirokida B2B shaklida qator hamkorlik masalalari muhokama qilindi.
Muzokaralar yakunida ikki davlat universitetlararo oʻquv va ilmiy sohalarda hamkorlikni kuchaytirish, oliy malakali pedagog-kadrlar tayyorlash, professor-oʻqituvchilar, magistrlar hamda talabalar almashinuvi, pedagoglarni qisqa va uzoq muddatli stajirovkalarga yuborish, malaka oshirish, hammualliflikda ilmiy va tadqiqot loyihalarini amalga oshirish, muhandislik, texnika, aerokosmik va sun’iy intellekt sohalarida oʻzaro hamkorlik aloqalarini kengaytirish borasida 60 dan ortiq memorandum, kelishuv va shartnomalar imzolandi.