Denov tadbirkorlik va pedagogika institutining Sh.Rashidov ko‘chasi, 360-uy manzilida joylashgan 5-binoda test sinovlarining 4-kuniga start berildi.

   Abituriyentlar va ularning ota-onalari yaxshi kayfiyat bilan kutib olindi. Abituriyentlargа test ruxsatnomalari asosida bino va guruhlarini aniqlashtirishda ko‘maklashildi, shaxsini tasdiqlovchi hujjati mavjud ekanligi tekshirildi, binoga kirish yo‘nalishi bo‘yicha tushuntirish ishlari olib borildi, belgilangan muddatdan kechikmasdan test sinovlari o‘tkaziladigan binoga kirishlari uchun amaliy yordam berildi.

   Abituriyentlarning ota-onalari belgilangan joyda kutishlari uchun tegishli shart-sharoitlar yaratildi, test jarayonlari katta hajmli monitor orqali onlayn translyatsiya qilinmoqda,  ovoz kuchaytirgich orqali vatanparvarlik ruhidagi musiqa va qo‘shiqlar eshittirilishi ta’minlandi, salqin ichimliklar, choy, kofe tashkil qilindi.

   Shuningdek, ota-onalar uchun ko‘ngilochar tadbirlar o‘tkazildi.