🔰 Surxondaryo viloyati hokimligi tashabbusi bilan Denov tumanining «Sina» mahallasida milliy taomlar sayli o‘tkazildi. Ushbu sayl davomida viloyatimiz shahar va tumanlarining milliy uslubda bezatilgan pavilyonlari tashkil etilib, tansiq taomlar va ushbu hududga xos taomlar tayyorlash bilan bog’liq ko‘rgazmalar namoyish etildi.

✅ Yuqori shukuhda o‘tgan tadbirda Denov tadbirkorlik va pedagogika instituti rektori O.Ruziyev va professor-o‘qituvchilar va talabalari ham o‘zlarining hunarmandchilik vositalari hamda milliy taomlar ko‘rgazmasi bilan ishtirok etdi. Qolaversa sayl davomida hududga xos ananalarni o‘zida mujassam qilgan chiqishlar, xalq o‘yinlari tashkil etildi.

🏆 Yakunda esa bir qator nominatsiyalar bo‘yicha g’oliblar saralanib diplom va esdalik sovg’alari bilan taqdirlandi. Quvonarlisi Denov tadbirkorlik va pedagogika instituti «Eng yaxshi hudud» nominatsiyasi bo‘yicha g’olib deb topildi.