Aholini ro‘yxatga olish bo‘yicha o‘quv seminar bo‘lib o‘tdi

Aholini ro‘yxatga olish bo‘yicha o‘quv seminar bo‘lib o‘tdi

Bugun Denov tumanida O‘zbekiston Respublikasining «Aholini ro‘yxatga olish to‘g‘risida»gi Qonuni ijrosini ta’minlash yuzasidan, viloyat statistika boshqarmasi va tuman statistika bo‘limi tomonidan o‘quv seminar o‘tkazildi.

O‘quv seminarda aholini ro‘yxatga olish jarayonlarida aholining turar joylari va bino inshootlarning ro‘yxati hamda undagi aholi soni to‘g‘risidagi ma’lumotlarni shakllantirishda mahallalar faollari ishtiroki muhimligi ta’kidlandi. Shuningdek, aholini ro‘yxatga olish jarayonlari borasida tushunchalar berildi va fikr-mulohazalar yuritildi.


Denov tumani hokimligi
Axborot xizmati

Aholini Ro’yxatga olish

2023 yilda yurtimizda aholini ro‘yxatga olish jarayoni qanday amalga oshiriladi
July 14, 2022
Mazkur jarayon uch bosqichda amalga oshiriladi. Birinchisi, tayyorgarlik bosqichi bo‘lib, uch yilga yaqin vaqt davom etadi. Ikkinchisi, asosiy bosqich bo‘lib, bunda bevosita aholini ro‘yxatga olish amalga oshiriladi, ya’ni aholi to‘g‘risidagi ma’lumotlar yig‘iladi, nazorat tekshiruvi o‘tkaziladi va aholini ro‘yxatga olish materiallari topshiriladi. Bu taxminan ikki oy muddatni tashkil etadi. So‘nggi bosqich qariyb uch yil davom etib, olingan ma’lumotlar kodlashtirish yordamida tahlil qilinib, natijalar e’lon qilinadi.

Ro‘yxatga olish jarayonida to‘planadigan statistik ma’lumotlar yagona elektron axborotlar tizimiga kiritiladi. Ya’ni bundan bu yog‘iga qog‘ozbozlikdan voz kechib, zamonaviy texnologiyalarni joriy etishga e’tibor qaratiladi.

Ro‘yxatga oluvchilarni tanlash ham eng muhim masalalardan biri hisoblanadi. Chunki ma’lumotlarning to‘g‘riligiga bevosita ayni ular mas’ul bo‘ladi va shakllantirilgan ma’lumotlar real bo‘lishi shart. Bu jarayonga jalb etiladigan xodimlar har xil yoshda va kasbda bo‘lishi, birinchi navbatda, Davlat statistika qo‘mitasi va uning viloyat, shahar va tuman bo‘limlari xodimlari, statistika yo‘nalishida tahsil olayotgan talabalar, magistrlar, shuningdek, tayanch doktorantlar bo‘lishi mumkin.

Yoshi va kasbidan qat’i nazar, aholini ro‘yxatga oluchilar uchun qisqa muddatli o‘quv kurslari tashkil etiladi va zarurat tug‘ilsa, ularga qo‘shimcha maslahatlar beriladi. Aholini ro‘yxatga olish tadbirlarini o‘tkazish bilan bog‘liq xarajatlar amaldagi hujjatlarga, shuningdek, O‘zbekiston Respublikasi Vazirlar Mahkamasining qarorlariga muvofiq belgilanadi. Jarayonni davlat byudjeti mablag‘lari va qonun bilan taqiqlanmagan boshqa mablag‘lar hisobiga moliyalashtirish ko‘zda tutilgan.

Amaldagi me’yoriy hujjatlarga binoan, yakuniy ma’lumotlarni uch tilda e’lon qilinishi ko‘zda tutilgan. Chora-tadbirlar dasturida aholini ro‘yxatga olish natijalarini rasmiy chop etish, tarqatish, axborot bilan ta’minlash va e’lon qilish, aholini ro‘yxatga olishning dastlabki va yakuniy ma’lumotlarini arxivda saqlashga tayyorlash muddati 2025 yil 1 dekabrga qadar, deb ko‘rsatilgan. Ya’ni ma’lumotlar bilan tanishishning oxirgi chegara muddati belgilangan. Biroq agarda tezkor faoliyat yuritilsa, ushbu muddatdan oldin ham e’lon qilish imkoniyati mavjud.

2022/2023 oʼquv yili uchun quyidagi bakalavriat taʼlim yoʼnalishlari va magistratura mutaxassisliklariga malakali pedagog xodimlarni tanlov asosida ishga taklif etadi

E’LON
Denov tadbirkorlik va pedagogika instituti
2022/2023 oʼquv yili uchun quyidagi bakalavriat taʼlim yoʼnalishlari va magistratura mutaxassisliklariga malakali pedagog xodimlarni tanlov asosida ishga taklif etadi:

Bakalavriat taʼlim yoʼnalishlari:
60110100 – Pedagogika;
60111300 – Musiqa taʼlimi;
60112200 – Jismoniy madaniyat;
60410400 – Moliya va moliyaviy texnologiyalar;
60410500 – Bank ishi va audit;
60610500 – Kompьyuter injiniringi, (“Kompьyuter injiniringi”, “АT servis”, “Аxborot xavfsizligi”, “Multimediya texnologiyalari”);
60710100 – Kimyoviy texnologiya (ishlab chiqarish turlari boʼyicha);
60730300 – Qurilish muhandisligi: bino va inshootlar qurilishi;
60811300 – Qishloq xoʼjalik mahsulotlarini saqlash va dastlabki ishlash texnologiyasi (mahsulotlar turlari boʼyicha);
61010400 – Turizm (faoliyat yoʼnalishlari boʼyicha).

Magistratura mutaxassisliklari:

70110102 – Pedagogika va psixologiya;
70111401 – Oʼzbek tili va adabiyoti;
70220301 – Tarix (yoʼnalishlar va sohalar boʼyicha);
70310102 – Iqtisodiyot (tarmoqlar va sohalar boʼyicha);
70411302 – Biznesni boshqarish (Master of Business Administration – MBA);
70530101 – Kimyo (fan yoʼnalishi boʼyicha);
70530901 – Fizika (yoʼnalishlar boʼyicha).

Tanlovda ishtirok etish uchun qoʼyidagi hujjatlar tanlov komissiyasiga offlayn/onlayn taqdim etiladi:

 Maʼlumotnoma – obʼektivka;
 Mutaxassisligi boʼyicha diplom nusxasi (nufuzli TOP-1000 talik oliy taʼlim muassasasini tamomlagan yoki unda faoliyat yuritgan nomzodlarga tanlovda ustuvorlik beriladi);
 Ixtisoslik boʼyicha ilmiy daraja yoki ilmiy unvon diplom nusxalari (agar mavjud boʼlsa, tanlovda ustuvorlik beriladi);
 Xorijiy tillarni bilish sertifikati (agar mavjud boʼlsa, tanlovda ustuvorlik beriladi);
 Ilmiy maqolalar roʼyxati (oxirgi 3 yilda, Scopus va Web of Science bazalariga kiritilgan nufuzli jurnallarda chop etilgan maqolalarga ustuvorlik beriladi).

Tanlov ikki bosqichda amalga oshiriladi:

Birinchi bosqichda – nomzodlarning hujjatlari oʼrganiladi (skrining).
Ikkinchi bosqichda – tanlab olingan nomzodlar bilan suhbat va sinov darslari olib boriladi.

Tanlov hujjatlarini qabul qilish 2022 yil 01 avgustgacha.

Manzil: Surxondaryo viloyati Denov tumani, Sh.Rashidov koʼchasi 360-uy.
Batafsil maʼlumot olish uchun institut Xodimlar boʼlimining quyidagi telefon va telegramm raqamlariga murojaat qilishingiz mumkin:
Tel.: (91) 966-94-64; (99) 377-05-45
Telegramm: (91) 966-94-64; (99) 377-05-45.

2023-YILDA AHOLINI RO’YHATGA OLISHNI O’TQAZISH NIMANI BERADI

Aholini ro‘yxatga olish – O‘zbekiston Respublikasining butun hududida yoki uning muayyan hududlarida o‘tkaziladigan, belgilangan sanada aholining demografik va ijtimoiy-iqtisodiy tavsiflarini belgilovchi, shaxsga doir ma’lumotlarni yig‘ish va ularga ishlov berish hamda yakuniy ma’lumotlarni tarqatish va foydalanishning davriy jarayoni hisoblanadi.

Aholini ro‘yxatga olishning asosiy maqsadi mamlakatning ijtimoiy-iqtisodiy rivojlanish prognozlarini ishlab chiqish, demografik ko‘rsatkichlarni hisoblash va prognozlash, mehnat resurslari joylashuvi va ulardan foydalanishni o‘rganish hamda ilmiy tadqiqotlar olib borish uchun aholi to‘g‘risida ishonchli
va xolis axborotlarni olish hisoblanadi.

Aholini ro‘yxatga olishning asosiy vazifalari quyidagilardan iborat:

– aholining sog‘lig‘ini mustahkamlash, xotin-qizlar va bolalar uchun shart-sharoitlarni yaxshilash, oilalarga yordam ko‘rsatish bo‘yicha choralarni ishlab chiqish maqsadida, aholi tarkibidagi, demografik vaziyatdagi o‘zgarishlarni baholashga doir ma’lumotlar bazasini kengaytirish;

– shaharlarni va boshqa aholi punktlarini ijtimoiy-iqtisodiy rivojlantirish, mehnat resurslarini joylashtirish hamda ulardan foydalanishning uzoq, o‘rta va qisqa muddatli prognozlari va dasturlarini tayyorlash;

– aholini ro‘yxatga olish davri oralig‘idagi aholi soni
va tarkibining joriy hisobini, hisob-kitoblarini hamda prognozlarini amalga oshirish;

– ijtimoiy-iqtisodiy rivojlantirish masalalari bo‘yicha ilmiy tadqiqotlarni amalga oshirish.

Denov tumani statistika bolimi.

Qabul 2022/2023

Oliy ta’lim muassasalariga kirish uchun onlayn ro‘yxatdan o‘tish bo‘yicha videoqo‘llanma

REKTOR TABRIGI


💐 Hurmatli institutimiz jamoasi!


Go’zal diyorimizga yangi – 2022-yilning kirib kelishiga ham sanoqli kunlar qoldi. Biz yangi yil ostonasida turibmiz, bu palla har bir inson uchun o’tgan umr, shu bilan birga ish faoliyatimizning sarhisob pallasidir. 


⌛️ Qisqa muddat ichida institutimiz ko’zga ko’rinarli yutuqlarga erishdi: 5 ta mutaxassislik bo‘yicha magistratura, 8 ta ixtisoslik bo‘yicha stajor-tadqiqotchilik hamda doktorantura faoliyati yo‘lga qo‘yildi. Undan tashqari 2021-yil davomida universitet professor-o‘qituvchilari tomonidan 445 dan ortiq maqola, monografiya, darslik, o’quv qo’llanmalar nashr etilib, turli konferensiyalarda to‘rt yuzdan ortiq tezislar e’lon qilindi. Natijalar oldingi yillar bilan solishtirilganda, umumiy 20 foizga o‘sish kuzatildi. Kelayotganda yilda ham bizni ulkan maqsad-rejalarimiz kutmoqda! Bu yo’lda biz, albatta, institutimiz jamoasining birdamlik va yangiliklarni o‘z vaqtida qabul qila olish kabi fazilatlariga suyanamiz!


🎗Aziz yurtdoshlar!

Sizlarni, sizlar orqali oila a’zolaringizni kirib kelayotgan go’zal bu ayyom bilan chin qalbimdan tabriklayman! Kirib kelayotgan 2022-yil ona diyorimizga, shuningdek, bizning Denov tadbirkorlik va pedagogika institutimizga ham fayzu baraka, yangi yutuq va zafarlar olib kelsin! 

Yangi yil barchamizga muborak bo‘lsin!


                             G’anisher Raximov

                   Denov tadbirkorlik va pedagogika instituti rektori

E’lon

Denov tadbirkorlik va pedagogika institutida Oliy ta’limdan keyingi ta’limga 2022 yil uchun Tayanch doktorantura, Mustaqil izlanuvchilikka “(PhD)”  ga quyidagi ixtisosliklar bo‘yicha

QABUL E’LON QILADI:

1.08.00.01 – Iqtisodiyot nazariyasi 1,
2. 13.00.01- Pedagogika nazariyasi. Pedagogik ta’limotlar tarixi 2,
3. 01.01.01 – Matematik analiz 1,
4. 07.00.01 – O‘zbekiston tarixi 1,
5. 10.00.06-Qiyosiy adabiyotshunoslik, chog‘ishtirma tilshunoslik va tarjimashunoslik 1,
6. 10.00.04- Yevropa, Amerika va Avstraliya xalqlari tili va adabiyoti 1,
7. 03.00.10-Ekologiya 1,
8. 05.01.04-Hisoblash mashinalari, majmualari va kompyuter tarmoqlarining matematik va 

dasturiy ta’minoti 1.

 

Tayanch doktorantura, doktorantura, mustaqil izlanuvchilikka talabgorlar quyidagi hujjatlarni ilova qilgan holda ariza bilan institutga murojaat qiladi:

  1. Ariza.
  2. Qisqacha biografik ma’lumotnoma (ob’ektivka – namuna 3.5 shakl bo‘yicha o‘zbekcha va ruscha shaklda).
  3. Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun).
  4. Falsafa doktori (PhD) ilmiy darajasini olish uchun magistrlik yoki oliy ma’lumot (mutaxassislik dasturi bo‘yicha) to‘g‘risidagi diplom nusxasi;
  5. Nashr etilgan ilmiy ishlar ro‘yxati, shuningdek ularning nusxalari (PhD) (kamida 1 ta maqola va 2 ta tezis).
  6. Ish joyidan tavsifnoma.
  7. Pasport nusxasi.

Barcha xujjatlar pdf shaklida tayyorlanib Oliy ta’limdan keyingi ta’limni muvofiqlashtiruvchi Yagona elektron tizimi  http://phd.mininnovation.uz  rasmiy sayti orqali ro‘yxatdan o‘tadilar.

Hujjatlar 2021 yilning 15-sentabrdan 15-oktabrgacha bo‘lgan muddatda qabul qilinadi.

Manzil: Surxondaryo vil., Denov sh., Sh.Rashidov ko’cha., 360. Index: 190507. Tel: 76-41-39-024, Faks:76-41-39-027, Telegram:99-883-73-92

 

 

language

Salom

Sizlar uchun telegram kanalimiz doimiy aloqada

Bizning telegram kanalimiz